سوئز کانالیندا گمی حرکت‌لری‌نین آدی آخاریندا اولدوغو بیلدیریلیب
سوئز کانالیندا تورپاغا اوتوران نهنگ یوک گمیسی‌نین حرکت ائتدیرمه ایشلری دونن (29 مارس) اوغورلا باشا چاتدیقدان سونرا کانال‌داکی کئچیدلر برپا اولونوب.
سوئز کانالیندا تورپاغا اوتوران نهنگ یوک گمیسی‌نین حرکت ائتدیرمه ایشلری دونن (29 مارس) اوغورلا باشا چاتدیقدان سونرا کانال‌داکی کئچیدلر برپا اولونوب.
دونیا میقیاسیندا گمی حرکت‌لرینی ایزله‌ین" "Vesselfinder " و " Marinetraffic" آدلی ایکی وب سایتین وئردیگی معلوماتا گؤره، بؤلگه‌ده یالنیز سوئز کانا‌لی‌نین گیریش و چیخیشیندا ییغیلمیش گمی‌لر سببیندن سیخ‌لیق وار.
تایوان‌لی "اِوِر گیوِن" شیرکتی طرفیندن کیرایه‌یه گؤتورولن و بحرانا سبب اولان "The Ever Given" گمیسی گرگین فعالیت‌لردن سونرا حرکت ائدن‌دن داها سونرا تکنیکی ایشلر اوچون لوکوموتیو‌لرله بؤیوک گؤل‌لر بؤلگه‌سینه طرف اوزمه‌یه باشلاییب.
خاطیرلاداق کی، نهنگ یوک گمیسی قوم فیرتیناسی و الوئریش‌سیز هاوا شرایطیندن گؤرمه قابیلیتی‌نین ایتیریلمه‌سی نتیجه‌سینده 24 مارس تاریخینده سوئز کانالیندا سایا اوتورموشدو.
گمی‌نین دار کانالدا سیخیشماسی و کئچیدین باغلانماسی نتیجه‌سینده کانالدا اوزون گمی نؤوبه‌لری یارانمیش و دنیز نقلیاتی‌نین دایاندیریلماسی سببیندن خام نفت و LNG یوک‌لرینده 6 گون فاصیله‌لر یارانمیشدی.
