مرکل: تورکیه استراتژیک اؤنمه صاحب بیر اؤلکه
"بیز آلمانلارین تورکیه ایله چوخ اؤزل یاخین ایلیشکیلرمیز وار"
آلمانیا باشباخانی آنگلا مرکل، تورکیه‌نین یالنیز بیر ناتو متفیقی و اورتاغی اولمادیغینی، آوروپا بیرلیگی سرحدینده ایکینجی ان قالابالیق جمعیته صاحب استراتژیک اؤنمی اولان اؤلکه اولدوغونو سؤیله‌دی.
مرکل، فدرال مجلیسده‌کی دانیشماسیندا، آوروپا بیرلیگی لیدئرلر ذیروه‌سینده آوروپا بیرلیگی و تورکیه ایلیشکیلری و آغ دنیزین دوغوسونداکی دورومون اله آلیناجاغینی بیلدیردی.
آنگلا مرکل،
«آوروپا بیرلیگینین گلیشمه‌سینین و رفاهینین یالنیز آوروپا بیرلیگی خاریجین‌ده‌کی قونشولاریمیزلا دا یاخشی ایلیشکیلرله مومکون اولدوغونو بیلیریک. بو، اؤزللیکله چوخ یؤنلو ایلیشکیلری اولان ناتو عضوو تورکیه اوچون گئچرلی" دئدی.
بیر چوخ تورکون ایللردیر آلمانیادا یاشادیغینا ایشاره ائدن آنگلا مرکل،
"بیز آلمانلارین تورکیه ایله چوخ اؤزل یاخین ایلیشکیلرمیز وار" ایفاده‌سینی ایشلتدی.
ایلیشکیلرده سسسیزلیگین ایشه یارامادیغینی وورغولایان مرکل،
"بونا گؤره تورکیه ایله آوروپا بیرلیگی آراسین‌داکی یوکسک سویه‌لی دیالوگون یئنی‌دن باشلادیلماسینی دانیشاجاغیق. اورتاق ماراقلاریمیز وار. کؤچون گتیردیگی چتین‌لیکلر بونا داخیل. بونو تورکیه ایله حل ائده‌بیلریک" دئدی.
