چین پاکیستانا داها 500 مین دوز آشی گؤندره‌جک

چین داها اول 1 میلیون دوز یئنی نوع کوروناویروسا قارشی آشی هدیه ائتدیگی پاکیستانا آیین آخیرینادک داها 500 مین دوز واکسن باغیشلایاجاغینی بیلدیریب.

پاکیستان خاریجی ایشلر ناظیرلیگی‌نین وئردیگی معلوماتا گؤره، خاریجی ایشلر ناظیری شاه محمود قریشی و چین-ین خاریجی ایشلر ناظیری وانگ یی آراسیندا تلفون دانیشیغی اولوب.

تلفون صحبتینده وانگ قریشی‌یه 100-دن چوخ اؤلکه‌نین چین خالیق جمهوریتینه آشی اوچون مراجعت ائتدیگینی، لاکین پکن رهبرلیگی‌نین پاکیستانین احتیاجینا اوستونلوک وئرجگینی سؤیله‌ییب.

پکن رهبرلیگی‌نین ایسلام آباد-ا آیین سونونا قدر 500.000 دوز پول‌سوز آشی وئرجگینی دیله گتیرن وانگ چین-ین اپیدمی ایله موباریزه‌ده پاکیستانی دستکلمه‌یه داوام ائدجگینی قئید ائدیب.

پاکیستانین خاریجی ایشلر ناظیری قریشی، عمومی‌لیکده 1،5 میلیون دوز پول‌سوز آشی دستکینه گؤره چین-ا تشککور ائدیب و بونون اینسان‌لارین حیاتینی قورتارماق دا واجیب اولدوغونا دقت چکیب.

قریشی چین-ین باش ناظیری لی که چیانگ  "کووید-19" تستی مثبت چیخان باش ناظیر عمران خانا تئزلیکله ساغالماغی آرزولادیغی اوچون تشککور ائدیب.

قئید ائدک کی، چین 1 فوریه و 17 مارس تاریخ‌لرینده پاکیستانا پول‌سوز اولا‌راق جمعی 1 میلیون دوز "کووید-19" واکسنی گؤندریب.