۱۳۷ نفر اؤلدورولدو
بازار گونو اوچ کنده ائدیلهن سالدیریلاردا ۱۳۷ نفر اؤلدو
نیجرده مالی سرحدیندهکی کندلره ائدیلهن سالدیریلاردا حیاتینی ایتیرهنلرین ساییسی ۱۳۷ نفره یوکسلدی.
حکومت سؤزچوسو زکریا عبدالرحمان دؤولت تلویزیونونا وئردیگی آچیقلامادا، بازار گونو تاهووا بؤلگهسیندهکی اینتازاینه، باکورات و ویستانه کندلرینه ائدیلهن سالدیریلاردا ۱۳۷ نفرین اؤلدویونو سؤیلهدی.
اؤلنلرین ساییسی اؤنجه ۳۰ نفر اعلان ائدیلمیشدی.
گئچهن هفته نیجرده، مالی سرحدیندهکی تیللابری بؤلگهسینده قورولان حیوان بازاریندان قاییان مولکی وطنداشلاری داشییان بیر اتوبوسا سالدیری ائدیلمیش و ان آز ۵۸ نفر اؤلموشدو، اؤلکهده ۳ گونلوک یاس اعلان ائدیلمیشدی.
ژانویه آییندا اؤلکهنین باتیسینداکی چومبانگو و زاروومداریه کندلرینه ائدیلهن سالدیریلاردا ان آز ۱۰۰ وطنداش حیاتینی ایتیرمیشدی.
ساحل بؤلگهسیندهکی "۳ اؤلکه سرحدی" اولاراق بیلینهن بورکینا فاسو، مالی و نیجر، سون ایللرده ترور هؤرگوتو القاعده و ترور هؤرگوتو داعشه باغلی قروپلارین سالدیریلارینا معروض قالیر.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب