آنتونی بلینکن: " باش کونسول کمال آریکانین قاتیلینین آزاد ائدیلمهسیندن چوخ مایوس اولدوق"
امریکانین خاریجی ایشلر ناظیری آنتونی بلینکن شهید باش کونسول کمال آریکانین قاتیلی هامپیگ ساسونیانین آزاد ائدیلمهسی قراریندان چوخ مایوس اولدوقلارینی بیلدیریب.
امریکانین خاریجی ایشلر ناظیری آنتونی بلینکن شهید باش کونسول کمال آریکانین قاتیلی هامپیگ ساسونیانین آزاد ائدیلمهسی قراریندان چوخ مایوس اولدوقلارینی بیلدیریب.
بلینکن شهید باش کونسول آریکانین قاتیلینین سربست بوراخیلماسی قراری ایله باغلی شرح وئرهرک رئاکسیا گؤستریب:
امریکا خاریجی ایشلر ناظیرلیگی کالیفرنیا ایالتینین 1982-جی ایلده تورکیه-نین لوس-آنجلس باش کونسولو کمال آریکانی اؤلدورمکده گوناهکار قبول ائدیلن هامپیگ ساسونیان اوچون وئردیگی شرطی تخلیه قراریندان چوخ مایوس اولموشدور".
امریکانین دونیانین هر هانسی بیر یئریندکی دیپلوماتلارین تهلوکهسیزلیگینی هر زامان اوستون توتدوغونو، دیپلوماتلارا قارشی سوء-قصدلرینه ان یوکسک جزانین وئریلمهسینین طرفداری اولدوغونو و بو جور شرطی آزادلیغین علیهینه اولدوغونو بیلدیرن بلینکن بیر دیپلوماتا هوجومون یالنیز بیر شخصه قارشی دئییل، هم ده دیپلوماسییه قارشی جدی بیر جینایت اولدوغونو سؤیلهییب.
بلینکن "جناب آریکانین عائلهسینه و تورکیه خاریجی ایشلر ناظیرلیگیندهکی همکارلاریمیزا ایتکیلری موناسیبتیله بیر داها درین حزن ایله باش ساغلیغی وئریریک" دئییب.
تورکیه خاریجی ایشلر ناظیرلیگی شهید ائدیلن باش کونسول کمال آریکانین قاتیلینین سربست بوراخیلماسینا سبب اولان لوس آنجلس بؤلگهسی یوکسک محکمهسینین قرارینی کسکین قینادیغینی بیلدیردی.
خاطیرلاداق کی، تورکیه-نین امریکانین لوس آنجلس شهریندهکی باش کونسولو کمال آریکان ائرمنی ترورچولار هامپیگ ساسونیان و کریکور سالیبا طرفیندن 28 ژانویه 1982-جی ایلده قتله یئتیریلیب.
ساخلانیلان هامپیگ ساسونیان عمورلوک حبس جزاسینا محکوم ائدیلیب، ایستینتاقدان یایینا بیلن کریکور سالیبا ایسه همین ایلده لوبنان-داکی وطنداش محاربهسینده اؤلدورولدوگو ادعا ائدیلیب.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.