آمریکا: تورکیهنین یانینداییق
"بیر ایل اؤنجه ۳۳ تورک عسگری، ادلبدهکی گناهسیز سوریهلی مولکی وطنداشلاری، اسد رژیمی ایله روس و ایرانلی دستکچیلرینین وحشتیندن قورویارکن حیاتینی ایتیرمیشدی"
1593356
آمریکا خاریجی ایشلر باخانلیغی سؤزچوسو ند پرایس، گئچهن ایل سوریهنین ادلب شهرینده بشار اسد رژیمینین هاوا سالدیریسیندا شهید اولان ۳۳ تورک عسگرینی آندی.
پرایس توئیتر حسابیندا وئردیگی آچیقلامادا،
"بیر ایل اؤنجه ۳۳ تورک عسگری، ادلبدهکی گناهسیز سوریهلی مولکی وطنداشلاری، اسد رژیمی ایله روس و ایرانلی دستکچیلرینین وحشتیندن قورویارکن حیاتینی ایتیرمیشدی. اونلارین خاطرهلرینی و فداکارلیقلارینی آنارکن ناتو متفقیمیز تورکیهنین یانینداییق" ایفادهلرینی ایشلتدی.
سوریهنین ادلب بؤلگهسینده ۲۷ فوریه ۲۰۲۰ده رژیم عنصورلارینین هاوا سالدیریسی نتیجهسینده ۳۳ تورک عسگری شهید اولموشدو.