دیکتاتورون سون یونتوسو دا قالدیریلدی

ایسپانیانی ۴۰ ایله یاخین دیکتاتورلوقلا ایداره ائد‌ن فرانسیسکو فرانکونون سون یونتوسو(هیکلی) دا قالدیریلاراق آنبارا قویولدو.

اؤلکه‌ده ۲۰۰۷ده چیخاردیلان تاریخی حافظه یاساسی چرچیوه‌سینده، فرانکونون بوتون یونتولاری و یئرلره وئریلن آدلاری قالدیریلما‌لی ایدی.

بو چرچیوه‌ده سون آددیم، ایسپانیانین آفریقاداکی اؤزارک تورپاغی اولان ملیلیه‌ده آتیلدی؛ ۱۹۷۸ده فرانکونون اؤلومون‌دن اوچ ایل سونرا شهره قویولموش هیکل قالدیریلدی.

۱۹۲۰ده ائدیلن ریف ساواشیندا اسپانیا ایله مراکشلی قبیله‌لری قارشی قارشییا گلمیشدی.

هیکل، او دؤورده ایسپانیا لژیونونا باشچیلیق ائد‌ن فرانکونون رولونو سیمگه‌له‌ییردی.

ایسپانیا حکومتی، یاسایا دایاناراق سپتامبر آیین‌دا اسکی دیکتاتورون یازلیق سارایینی دا واریثلرین‌دن آلمیشدی.