آمریکادا پلیسین بوینونا باسدیغی شخص اؤلدو

آمریکادا پلیسین، توتوقلارکه‌ن یئره یاتیردیب بوینونا ۵ دقیقه باسقی ائتدیگی شخص اؤلدو.

کالیفورنیانین آنتیوچ بؤلگه‌سین‌ده ۲۳ دسامبردا باش وئره‌ن حادثه‌ده، عایله ایچی بیر دارتیشما اوچون ائوه گئدن پلیسین، "آنلاماغا چالیشمادان" ۳۰ یاش‌لی آنگلو کوینتونو یئره یاتیردیب بوینونا  ۵ دقیقه بویو باسماسیندان اوچ گون سونرا گنجین اؤلدویو بیلدیریلدی".

سی‌ان‌ان‌ده یئر آلان خبرده عائله وکیللرینین قایغی، دپرسیون و پارانویادان اذیت چکه‌ن کوینتونون اؤلومون‌ده آنتیوچ پلیسینی سوروملو توتدوقلاری بیلدیریلدی.

وکیللر، اولایدا کوینتونون بیلینجینی ایتیردیگی و بیر خسته‌خانایا آپاریلدیغینی و اوچ گون سونرا اؤلدویونو سؤیله‌دیلر.

کوینتو باجی‌سینین جیب تلفنونو ایله چکدیگی گؤرنتولرده، کوینتونون سس‌سیز یئرده اوزاندیغی، آمبولانسا داشینارکن اوزونون قانلار ایچینده اولدوغو و ساغلیق چالیشانلارینین اونا اورک ماساژی ائتدیگی گؤرولدو.

عائله وکیللری "تخمیناً ۲ آیدیر پلیس بو قونودا بیر مطبوعات آچیقلاماسی وئرمه‌دی" دئدی. پلیس ایسه، کوینتونون اؤلومونون سببینین هله ده آیدین اولمادیغینی بیلدیردی.