کاتالونیادا قاریشیقلیق داوام ائدیر
گؤستریلری سیراسیندا ۱۰۷ نفر گؤز آلتینا آلیندی، ۸۲ نفر یارالاندی
کاتالونیادا ۶.جی گونونو دولدوران رپ صنعتچیسی پابلو هاسله دستک گؤستریلری سیراسیندا ۱۰۷ نفر گؤز آلتینا آلیندی، ۸۲ نفر یارالاندی.
اؤلکهده حاقینداکی حبس جزاسیندان دولایی ۱۶ فوریهده پلیس زورویلا توتوقلاناراق حبسه آتیلان رپ صنعتچیسی پابلو هاسلین سربست بوراخیلماسی طلبی ایله ائدیلن و واندالیزمه چئوریلهن گؤستریلرده ۶.جی گون گئریده قالدی..
کاتالونیا بؤلگهسینین بارسئلونا، خیرونا و لییدا کیمی بؤیوک شهرلرینده متمرکزلشن گؤستریلر بو گون باسک بؤلگهسینین بعضی شهرلرینده ده ائدیلدی.
بو واختا قدر شدت حادثهلرینین ان چوخ گؤرولدویو یئر اولان بارسلوناداکی حادثهلر دونن آخشام داوام ائتدی.
آشیری سولچو قروپلارا باغلی گؤستریچیلر شهرین مرکزیندهکی بعضی دوکانلارا داش آتدی و شوشهلرینی قیردی، کوچهلرده زیبیل قوتولارینی یاندیردی و شوشه آتاراق بیر پلیس بؤلمهسینه هوجوم ائتدی.
پلیس گئنیش گوونلیک تدبیرلری آلاراق، دوکانلاری یغمالایان ۵ نفر داخیل اولماقلا ۶ نفری گؤز آلتینا آلدی.
پلیس قایناقلاری طرفیندن ایسپانیا مطبوعاتینا ائدیلهن آچیقلامادا، کاتالونیاداکی گؤستریلرده ۶ گونونون سونوندا ۸۲ نفرین یارالاندیغی و ۱۰۷ نفرین گؤز آلتینا آلیندیغی بیلدیریلدی.
گؤز آلتینا آلینانلارین بؤیوک اکثریتی محکمه طرفیندن سربست بوراخیلدی.
توئیترده و ماهنیلاریندا قولاندیغی بعضی ایفادهلره گؤره تروریزمی دستکهمک، کرال و دؤولت قوروملارینی تحقیر ائتدیگی اوچون ۹ آی حبس جزاسینا محکوم اولان هاسل، ۱۶ فوریهده پلیس طرفیندن توتوقلاناراق حبسخانایا گؤندریلدی.
ایلگیلیلی خبرلر
پاریسده عرقچیلیک و ایسلام دوشمنلیگینه قارشی اعتیراض کئچیریلیب
بوندان علاوه، 2023-جو ایلین یاییندا پولیس زوراکیلیغی نتیجهسینده اؤلن گنج ده تظاهراتدا آنیلیب