نیویورک تایمز:"میلیونلارلا سوریه-لی اوچون ایمکان تقدیم ائدن تک اؤلکه تورکیه-دیر"
امریکا-دا درج اولونان نیویورک تایمز قزئتی بشار اسد رژیمینین ظلموندن تأثیرلنن میلیونلارلا سوریه-لی اوچون ایمکان تقدیم ائدن یگانه اؤلکهنین تورکیه اولدوغونو یازیب.
امریکا-دا درج اولونان نیویورک تایمز قزئتی بشار اسد رژیمینین ظلموندن تأثیرلنن میلیونلارلا سوریه-لی اوچون ایمکان تقدیم ائدن یگانه اؤلکهنین تورکیه اولدوغونو یازیب.
سوریه-نین عفرین شهرینده و شهرین یاخینلیغینداکی قاچقین دوشرگهلرینده تدقیقات آپاران قزئت بشار اسدین هوجوملاریندان قاچاراق تورکیه-یه سیغینان قاچقینلارین اولوسلار آراسی اینسانی یاردیم گؤزلهدیگینی قئید ائدیب.
قزئت سون زامانلار بؤلوجو ترور تشکیلاتی ی.پ.گ/پ.کا.کا-نین بومبالی هوجومونا معروض قالان عفرینی و شهرین تورکیه سرحدینه یاخین بؤلگهلردکی قاچقین دوشرگهلریندن بحث ائدن اطرافلی آراشدیرما مقالهسی تقدیم ائدیب.
تورکیه سلاحلی قوهلرینین 20 ژانویه 2018-جی ایل تاریخینده ی.پ.گ/پ.کا.کا-نی بؤلگهدن تمیزلمک اوچون باشلاتدیغی "زیتون بوداغی" عملیاتینا ایشاره ائدیلن مقالهده "حاضیردا اونلارین (تورکیه سلاحلی قوه لری) قورودوغو سوریه-لیلر بوتون چتینلیکلره باخمایاراق تورکلرین اورادا اولماسیندان ممنوندورلار" ایفادهسی یئر آلیب.
قزئتین تورکیه بوروسونون رهبری کارلوتا گالین یازدیغی مقالهده "سوریه-ده 10 ایلدیر داوام ائدن وطنداش محاربهسینین سونا چاتماسی بارهده دونیانین نه ائدجگینی بیلمهدیگی حالدا تورکیه 5 میلیونا یاخین مجبوری کؤچکون اوچون اراضیده یگانه اولوسلار آراسی گوجدور و چتین وضعیتده اولان سیویل اینسانلاری قورویور" آچیقلامالاری دقت چکیب و قئید اولونوب کی، تورکیه شهری اؤز الکتریک شبکهسینه قوشاراق، بؤلگهده ایللردیر داوام الکتریکسیزلیگه سون قویوب. بؤلگهده تورکیه-نین موبایل تلفون شبکهلری و تورکیه-نین پول واحیدی لیرهدن ایستیفاده اولونور. 500 سوریه-لی شیرکت سرحد تیجارتی اوچون قئیده آلینیب.
مقالهده تورکیه-نین حاتای ویلایتی والیسینین معاوینی اورهان آک تورکون سؤزلری ده یئر آلیب:
"هدفیمیز اونلارین حیاتلارینی داها دا نورماللاشدیرماقدیر. اینسانلار حیاتا تکرار قایتسین لار دئیه، مکتب و خستهخانالارین آچیق قالماسینی تامین ائدیریک".
شهردکی بومبالی هوجوملارلا علاقهدار اولاراق، آک تورک، پارتلادیلان آراج لارین ی.پ.گ / پ.کا.کا ایشغالی آلتیندا اولان منبیج قصبهسیندن یوک ماشینلاری طرفیندن آلیندیغینی آشکار ائتدیکلرینی بیلدیردی.
قزئته مصاحیبه وئرن یئرلی مجلیس عضوو سعید سلیمان تورکیه-نین یاردیملاردان باشقا داها چوخ اولوسلار آراسی اینسانی یاردیما احتیاج اولدوغونا دقت چکرکن، یازیدا "آنجاق میلیونلارلا اینسانیمیز اوچون ایمکان تقدیم ائدن تک اؤلکه تورکیه-دیر" ایفادهسی یئر آلیب.