آوروپا بیرلیگی روسیایا رئاکسیا گؤستریب
جوزپ بورل روسیا-دا حبسده اولان موخالیفتین لیدری آلکسی ناوالنینین سربست بوراخیلماسی اوچون تشکیل ائدیلن نوماییشلرده مینلرله اینسانین توتولماسینا گؤره تاسف لندیگینی دیله گتیریب.
آوروپا بیرلیگینین خاریجی علاقهلر و تهلوکهسیزلیک سیاستی اوزره عالی نومایندهسی جوزپ بورل روسیا-دا حبسده اولان موخالیفتین لیدری آلکسی ناوالنینین سربست بوراخیلماسی اوچون تشکیل ائدیلن نوماییشلرده مینلرله اینسانین توتولماسینا گؤره تاسف لندیگینی دیله گتیریب.
5 فوریه ده روسیا-یا سفری گؤزلهنیلن بورل سوسیال مئدیادا ائتدیگی پایلاشیمیندا روسیادا دونن (31 ژانویه ) بیر داها چوخ سایدا اینسانین ساخلانیلماسی و نوماییشچیلرله ژورنالیستلره نیسبی اولمایان گوج تطبیق ائدیلمهسیندن درین کدر دویودوغونو بیلدیریب.
خالقین تضییق گؤرمه قورخوسو اولمادان نوماییش آزادلیغینی حیاتا کئچیره بیلمهسینین واجیبلیگینی دیله گتیرن بورل روسیادان اولوسلار آراسی عهده لیکلرینه عمل ائتمهسینی ایستهییب.
قئید ائدک کی، روسیادا مینلرله اینسان جدی سویهدهکی تهلوکهسیزلیک تدبیرلرینه باخمایاراق حبسدکی موخالیف ناوالنینین سربست بوراخیلماسی اوچون نوماییش تشکیل ائتمیش، پایتاخت مسکوا و سن پترزبورگ باشدا اولماقلا بیر چوخ شهرده ایجازهسیز نوماییشلره مینلرله اینسان قاتیلمیشدیر.
پولیس عمومیلیکده لیسه و اونیورسیته اویرنجی لریندن عبارت نوماییشچیلره موداخیله ائتمیش، اینسان حاقلاری تشکیلاتلاری 82-سی ژورنالیست اولماقلا 3 مین 800-دن چوخ اینسانین نظارته آلیندیغینی آچیقلامیشدی.
ساخلانیلانلار آراسیندا ناوالنینین حیات یولداشی یولیا ناوالنایا دا وار.