امریکا چین-ین میللی نفت شیرکتینی قارا سیاهییا سالیب
امریکا تیجارت ناظیرلیگی چین-لی ایسکیریزون شیرکتینی ایسه حربی باغلانتیلی شیرکتلر سیاهیسینا داخیل ائتدیگینی آچیقلاییب.
امریکا میللی تهلوکهسیزلیگینه تهدید ائتدیگینه گؤره چین-ین میللی دنیز نفت شیرکتینی (CNOOC) قارا سیاهییا سالیب.
امریکا تیجارت ناظیرلیگی چین-لی ایسکیریزون شیرکتینی ایسه حربی باغلانتیلی شیرکتلر سیاهیسینا داخیل ائتدیگینی آچیقلاییب.
ناظیرلیگین بیاناتینا گؤره، هر ایکی شیرکتین ده امریکانین میللی تهلوکهسیزلیگینه تهدید تشکیل ائتدیگی وورغولانیب.
چین میللی دنیز نفت شیرکتی-نین گونئی چین دنیزیندهکی قونشولارینا گؤزداغی وئرمهسینه کؤمک ائتدیگینه ایشاره ائدیلن بیاناتدا ایسکیریزونون ایسه حربی اوچاق موتورلاری کیمی محصوللار اینکیشاف ائتدیرمه قابیلیتینه صاحیب اولدوغو بیلدیریلیب.
امریکا تیجارت ناظیری ویلبر راس موضوع ایله علاقهدار وئردیگی بیاناتدا چین-ین گونئی چین دنیزیندهکی دوشونجهسیز و سالدیرقان حرکتلری ایله سیلاحلانما سعیلری اوچون تکنولوژی الده ائدیلمهسینه یؤنلدیلمیش سالدیرقان موضعینین امریکانین و اولوسلار آراسی بیرلیگین تهلوکهسیزلیگینه تهدید تشکیل ائتدیگینی ایفاده ائدیب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.