لیدی گاگا و جنیفر لوپز آند ایچمه تؤرهنینده صحنهیه چیخاجاق
آند ایچمه تؤرهنی، هم یئنی نسیل کوروناویروس سالقینی، هم ده ۶ ژانویهدهکی آمریکا کنگرهسینه ائدیلهن باسقیندان سونرا محدود ساییدا اینسانین ایشتیراکی ایله گئچیریلهجک
لیدی گاگا و جنیفر لوپز، آمریکا پرزیدنتی سئچیلهن جو بایدنین ۲۰ ژانویهدهکی آندیچمه مراسیمینده صحنهیه چیخاجاق.
لیدی گاگانین آمریکا اولوسال مارشینی اوخویاحاغی مراسیمده جنیفر لوپز ده کنسرت وئرهجک.
آند ایچمه تؤرهنی، هم یئنی نسیل کوروناویروس سالقینی، هم ده ۶ ژانویهدهکی آمریکا کنگرهسینه ائدیلهن باسقیندان سونرا محدود ساییدا اینسانین ایشتیراکی ایله گئچیریلهجک.
آمریکالی مشهور آکتور تام هنکسین سوناجاغی آندیچمه مراسیمینده جان بون جووی، جاستین تیمبرلیک و دمی لواتو دا صحنهیه چیخاجاق.
گوونلیک تدبیرلرینین ان یوکسک سویهیه چیخاریلاجاغی باشکند واشینگتندا آند ایچمه مراسیمی گونو ۲۰ مین اولوسال محافظ وظیفه باشیندا اولاجاق.
ایلگیلیلی خبرلر
یول قیراغیندا ۱۰ نفرین جسدی تاپیلدی
مکزیده آکاپولکو شهریندهکی املیانو زاپاتا محلهسینده، چوخ ساییدا جسد تاپیلدیغی بیلدیریلدی