آمریکادا بیر قادین محکوم اعدام ائدیلدی

 آمریکا‌دا ۱۹۵۳ده‌ن بو یانا ایلک دفعه بیر قادین محکومون اعدام جزاسی ایجرا ائدیلدی.
۲۰۰۴ده ۸ آیلیق بویلو اولان بیر قادینی اؤلدوردوب و قارنینداکی کؤرپه‌سینی بیچاقلا چیخاردیب اوغورلادیغینا گؤره ۲۰۰۷ده اعدام جزاسینا محکوم ائدیلمیش ۵۲ یاش‌لی لیزا مونتگومری، ایندیانانین تره هوت شهرینده‌کی فدرال توتساق‌ائوینده یئرلی ساعاتلا ۱: ۳۱ده زهرلی ایگنه ایله اعدام ائدیلدی.
مونتگومری‌نین اعدامی ایله، اؤلکه‌ده سون ۶۸ ایلدن سونرا ایلک کز فدرال بیر قادین توتساق اوچون اؤلوم حؤکمو اجرا ائدیلدی.
اؤلکه‌ده، فدرال بیر محکمه ان سون بونی براون هیدی آدلی بیر قادین محکوما اؤلوم حؤکمو وئرمیشدی. ۶ یاش‌لی بیر اوغلان اوشاغینی قاچیراراق اؤلدوره‌ن هیدی، ۱۹۵۳ده اعدام ائدیلمیشدی.