دونیادا کوروناویروسلا باغلی سون معلومات‌لار

دونیادا یئنی نوع کوروناویروس‌دان اؤلنلرین سایی 1 میلیون 872 مینی کئچیب. انفکسیونا یولوخان‌لارین سایی 86 میلیون 685 مین، ویروس‌دان معالیجه اولونا‌راق ساغالان‌لارین سایی دا 61 میلیون 348 میندن یوخاری‌دیر.

364  میندن آرتیق اینسانین اؤلومو و 21 میلیون 500 مین‌دن چوخ یولوخما فاکتی ایله اپیدمی‌نین مرکزی اولان امریکا-نین کالیفرنیا ایالتینه باغلی لوس-آنجلس ساغلیق خیدمت‌لری ایداره‌سی ای سی یو شعبه‌لریندکی حدیندن آرتیق سیخ‌لیق سببیله عاجیل یاردیم ماشین‌لاریندا ایشله‌ین‌لره "حیاتدا قالما احتیمالی ضعیف" خسته‌لرین عاجیل یاردیم شعبه‌لرینه داشینماماسی باره‌ده تعلیمات یاییب.

ایتالیا-دا اپیدمی سببیله سون 24 ساعات عرضینده 629 نفرین حیاتینی ایتیرمه‌سیله اؤلکه‌ده اینسان ایتکیسی 76 مین 329 نفره یوکسلیب. خسته‌لیگه یولوخان‌لارین سایی 15 مین 378 نفر آرتا‌راق 2 میلیون 181 مین 619 نفره چاتیب. ایتالیا مطبوعاتیندا یئر آلان خبرلره گؤره، 7 ژانویه ده بیته‌جک سرت تدبیرلردن بؤلگه لرآراسی سیاحت 15 ژانویه تاریخینه قدر اوزادیلا‌جاق و رستوران و بارلار هفته سونو باغلی قالا‌جاق.

اینگیلتره-‌ده ویروس سببیله سون 24 ساعات عرضینده 830 اینسان اؤلوب. بونونلا دا اؤلکه‌ده اپیدمی ‌دن اؤلن‌لرین سایی‌نین 76 مین 305 چیخدیغی بیلدیریلیب.

فرانسا-دا "کووید-19" سببیله سون 24 ساعات عرضینده 346 نفر اؤلوب. بئله‌لیکله اؤلکه‌ده اؤلن‌لرین سایی 66 مین 282 اولوب. بیر گونده 20 مین 489 یئنی یولوخما فاکتی قئیده آلیندیقدا، ویروسا یولوخان‌لارین سایی 2 میلیون 680 مین 239-ا یوکسلیب.

36 مین 510 اینسان ایتکیسی و بیر میلیون 804 مین 286 یولوخما فاکتی‌نین اولدوغو آلمانیادا "کووید-19" اپیدمیسی ایله باغلی محدودیت‌لر سرت‌لش‌دیرمکله 16 دسامبردان اعتبارا قوه‌ده اولان مؤوجود تدبیرلرین مودتی 31 ژانویه ده ک اوزادیلیب.

ویروس سببیله 3 مین 489 آدامین اؤلدوگو و یولوخما سایی‌نین 455 مین 144 اولدوغو ایسراییل سون 24 ساعات عرضینده 8 مین 308 یولوخما فاکتی آشکارلاندیغینی بیلدیریب. اؤلکه‌ده 27 دسامبر 2020-جی ایلده اعلان ائدیلن قرنطینه قایدا‌لاری‌نین 2 هفته مودتیله سرتلشدیریلمه‌سی قرارا آلینیب.