بمت کروناویروسا قارشی واکسن حاضیرلایان تورک عالیم لری دعوت ائدیب
باش مجلیسینین 75-جی باش مجلیسینین صدری وولکان بوزکیر کروناویروسا قارشی واکسن حاضیرلایان تورک عالیملری بمت-یه دعوت ائدیب.
بمت باش مجلیسینین 75-جی باش مجلیسینین صدری وولکان بوزکیر یئنی نوع کروناویروسا (کووید-19) قارشی واکسن حاضیرلایان آلمان بیوتکنولوژی "بیون تک" فیرماسینین قوروجولاری پروفسور دوکتور اوغور شاهین و دوکتور اؤزلم توره جی 3-4 دسامبر تاریخلرینده کئچیریلهجک ذیروه ییغینجاغینا دعوت ائدیب.
وولکان بوزکیر توییتر حسابیندان تورک عالیملر شاهین و توره جی ایله ویدئو کنفرانس واسیطهسیله گؤروش کئچیردیگینی و بوتون دونیایا اومید بخش ائدن اوغورلاری اوچون اونلاری "قلبن تبریک ائتدیگینی" بیلدیریب.
وولکان بوزکیر "3-4 دسامبر تاریخلرینده رهبرلیک ائدجگیم بمت باش مجلیسینین کرونا ویروس انفکسیونو ایله باغلی خصوصی اوتورومونا ناطق اولاراق دعوتیمی قبول ائتدیلر" دئیه وورغولاییب.
قئید ائدک کی، "بیون تک" فیرماسینین "کووید-19"ا قارشی حاضیرلادیغی پتانسیل واکسنین ویروسا قارشی 90 فایزدن چوخ تأثیرلی اولدوغو آچیقلانیب.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.