وین-ده ترور هوجومو: اولن لر وار
اطریش-ین پایتاختی وین-ده بیر سیناقوق یاخینلیغیندا باش وئرن ترور هوجومو نتیجهسینده ایکی نفر اؤلدو.
اطریش-ین پایتاختی وین-ده بیر سیناقوق یاخینلیغیندا باش وئرن ترور هوجومو نتیجهسینده ایکی نفر اؤلدو.
ایچ ایشلر ناظیرلیگینین سؤزچوسو اطریش خبر آژانسی "آپا"-یا وئردیگی آچیقلامادا نامعلوم شخصلر و تهلوکهسیزلیک قوهلری آراسیندا باش وئرن آتیشما نتیجهسینده دینج وطنداشلاردان بیریله یاناشی تجاووزکارلاردان بیرینین اؤلدوگونو بیلدیریب.
وین ساغلیق تشکیلاتینین سؤزچوسو آتیشما زامانی 15 نفرین یارالاندیغینی، اونلاردان 7-نین وضعیتینین آغیر اولدوغونو دئییب.
ایچ ایشلر ناظیری کارال نهامر مطبوعات کنفرانسیندا بونون اطریش تاریخیندکی چتین گونلردن بیری اولدوغونو وورغولاییب: "حال-حاضیردا آچیق بیر ترور هوجومو آلتینداییق. تأسف کی، چوخ سایدا یارالی و اؤلو وار. خصوصی بؤلمهلریمیزین فداکار موباریزهسی نتیجهسینده بیر تجاووزکار ضررسیزلشدیریلدی. سون معلوماتلارا گؤره تجاووزکارلان بیری ایسه قاچاقدیر" دئیه بیلدیریب.
وطنداشلاردان چوخ مجبوری اولمادیغی تقدیرده ائولریندن چیخمامالاری بارهده خبردارلیغینی تکرارلایان نهامر آتیشمانین باش وئردیگی شهرین توریزم بؤلگهسی اولان بیرینجی وین-دن ایمتینا ائدیلمهسینین واجیبلیگینی دیله گتیریب و اوشاقلارین مکتبلره گؤندریلمهمهسینه چاغیردی.
اطریش-ین باش ناظیری سباستیان کورتس سوسیال مئدیا حسابیندا "پولیسیمیز بو دهشتلی ترور آکتینی تؤرهدنلره قارشی قطعیتلی بیر موباریزه آپاریر" دئییب.
کورتس اولوسلار آراسی توپلومدان گلن هم رایلیک مئساژلارینا تشککور ائدیب و حیاتینی ایتیرنلرین یاخینلارینا باش ساغلیغی وئریب، یارالیلارا عاجیل شفا دیلهییب.
دیگر طرفدن اطریش یهودی جمعیتی باشچیسی اوسکار دویچ سوسیال مئدیا حسابیندا هوجومون باش وئردیگی اراضیدکی سیناقوقون باغلاندیغینی، لاکین سؤزوگئدن سیناقوقون هدف اولوب اولمادیغینین هله بیلینمهدیگینی دقته چاتدیریب.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.