دونیا اؤلکه‌لرینده کروناویروسلا باغلی سون وضعیت نئجه‌دیر؟

یئنی نوع کروناویروس اپیدمیسی سببیندن ایندییه‌دک حیاتینی ایتیرنلرین سایی 607 مین 232-نی، ویروسا یولوخان‌لارین سایی 14 میلیون 574 مینی کئچیب، اپیدمیدن ساغالان‌لارین سایی ایسه 8 میلیون 699 مین اولوب.

عراق-دا سون 24 ساعات عرضینده یئنی نوع کروناویروس سببیله 90 آدام اؤلو، 2 مین 310 یئنی یولوخما فاکتی آشکارلانیب. بئله‌لیکله، اؤلکه داخیلینده اینسان ایتکی‌سی 3781-ا، یولوخانلارین سایی 92 مین 530-ا یوکسلیب.

انفکسیوندان 778 آدامین اؤلدوگو، 36 میندن چوخ اینسانین ویروسا یولوخدوغو باتی افریقا اؤلکه‌سی نیجریه-ده خاریجی ایشلر ناظیری اونیاما دا ویروس آشکارلانان آراسیندا‌دیر. اونیاما "بوغازیم‌داکی قیجیقلانما سببیله دونن دؤردونجو دفعه "کووید-19" تستی کئچیردیم. تأسف کی، بو دفعه تست سونوجوم مثبت اولدو. حیات بودور. بعضن قازانیرسان، بعضن   ایسه ایتیریرسن" دئییب.

ایتالیا-دا سون 24 ساعات عرضینده یئنی نوع کروناویروس سببیله 3 نفر اؤلوب. بونونلا دا اؤلکه‌ده ویروس‌دان اؤلن‌لرین سایی 35 مین 45 اولوب.

بو رقم اؤلکه‌ده اپیدمی نین گؤرونمه‌یه باشلادیغی 23 فوریه دن بری قئیده آلینان ان آشاغی سویه‌دیر.

آکتیو یولوخما سایی‌نین 12 مین 440 اولدوغو اؤلکه‌ده سون بیر گونده 218 یئنی یولوخما حالی قئیده آلینیب.

برزیل-ده سون گون عرضینده داها 23 مین 529 نفرین کروناویروس انفکسیونونا یولوخماسی تصدیق‌له‌نیب.

بو باره‌ده اؤلکه‌نین ساغلیق ناظیرلیگی معلومات یاییب.

ناظیرلیک بیلدیریب کی، ایندییه‌دک برزیل-ده کروناویروسا عمومی‌لیکده 2 میلیون 98 مین 389 نفر یولوخوب. بو مدت عرضینده 79 مین 488 کروناویروس‌لو خسته دونیاسینی دییشیب، سون گون ده ایسه بو رقم 716 نفر اولوب.

همچنین بو گونه ده ک 1 میلیون 371 مین 229 خسته معالیجه اولونا‌راق ساغالیب.

قئید ائدک کی، برزیل "کووید-19" انفکسیونونا یولوخان‌لارین و بو ویروس‌دان اؤلن‌لرین سایینا گؤره دونیادا ایکینجی یئرده‌دیر.

اینگیلتره-‌ده سون 24 ساعات عرضینده 27 نفر یئنی نوع کروناویروس‌دان (کووید-19) اؤلوب.

بونونلا دا اؤلکه‌ده کروناویروس‌دان اؤلن‌لرین سایی 45 مین 300 نفره چاتیب. سون گونده داها 726 نفرده ویروس آشکارلانیب. ایندییه کیمی اؤلکه‌ده 294 مین 792 کوروناویروسا یولوخما حالی قئیده آلینیب.