کرونا ویروس ایله باغلی باتینین سون وضعیتی
یئنی نوع کروناویروس اپیدمیسی سببیندن ایندییهدهک حیاتینی ایتیرنلرین سایی 400 مینی ویروسا یولوخانلارین سایی 9 میلیونو، اپیدمیدن ساغالانلارین سایی دا 5 میلیونو کئچیب.
یئنی نوع کروناویروس اپیدمیسی سببیندن ایندییهدهک حیاتینی ایتیرنلرین سایی 400 مینی ویروسا یولوخانلارین سایی 9 میلیونو، اپیدمیدن ساغالانلارین سایی دا 5 میلیونو کئچیب.
اپیدمینین مرکزینه چئوریلن امریکا-دا ویروس قوربانلارینین سایی 122 مینی، اپیدمییه یولوخانلارین سایی دا 2 میلیونو کئچیب.
اپیدمینین آوروپا-داکی مرکزی اولان اینگیلتره-ده ایسه اپیدمی قوربانلارینین سایی 42 مینی کئچیب. اؤلکهده ویروسا یولوخانلارین سایی ایسه 306 مین 210 نفره یوکسلیب.
ایتالیا-دا یئنی نوع کروناویروس اپیدمی سیندن حیاتینی ایتیرنلرین سایی گون عرضینده 18 آرتاراق 34 مین 675-ا یوکسلیب. اؤلکهده گون عرضینده داها 122 نفر ویروسا یولوخوب.
فرانسا-دا اپیدمی قوربانلارینین سایی گون عرضینده 57 آرتاراق 29 مین 720-یه، اینفکسیونا یولوخانلارین سایی ایسه 517 آرتاراق 198 مین 672-یه یوکسلیب.
ایسپانیا-دا سون بیر هفته عرضینده یئنی نوع کروناویروسدان 14 نفرین ده وفات ائتمهسی ایله اؤلکه ده اپیدمی سببیندن حیاتینی ایتیرنلرین سایی 28 مین 325-ا یوکسلیب. ایسپانیا ساغلیق ناظیرلیگی گون عرضینده 108 نفرین ده ویروسا یولوخماسی ایله توتولانلارین عمومی سایینین 246 مین 752-یه چاتدیغینی آچیقلاییب.
پورتوقالیا-دا ایسه یئنی نوع کروناویروسدان گون عرضینده وفات ائدنلرین سایی آلتی آرتاراق 1540-ا یوکسلیب. اؤلکه ده اینفکسیونا یولوخانلارین عمومی سایی ایسه 39 مین 737-یه چاتیب.