آوروپا بیرلیگی فینانس یاردیم دستک پاکتینی آچیقلادی

آوروپا بیرلیگی یئنی نوع کرونا ویروسو (کووید-19) ایله موباریزه‌ده طرفداش اؤلکه‌لره دستک اولماق اوچون 15،6 میلیارد یورو فینانس یاردیم پاکتینی اعلان ائتدی.

یازی‌لی شرحه گؤره، آوروپا بیرلیگی کمیسیونونون قبول ائتدیگی قرارین اساس مقصدی حاضیرکی ساغلیق بحرانیندا  اورتاق اؤلکه‌لره دستک اولماق‌دیر.

15،6 میلیارد یورولوق فینانس یاردیمی اؤلکه‌لرین سو و بهداشتی سیستم‌لرینی، ویروس آراشدیرماسی و حاضیرلیق قابیلیت‌لرینی دستکلمک، اپیدمیانین سوسیال-ایقتیصادی تأثیرلرینی آزالتماغا گئده‌جک. بو پول‌دان افریقا اؤلکه‌لرینه 3،25، باتی بالکان‌لارا ایسه 3،8 میلیارد یورو یاردیم ائدیله‌جک.

آوروپا کمیسیونونون صدری اوزولا ون در لاین دئییب: "ویروس سرحد تانیمیر. بو قلوبال موباریزه‌یه گوجلو اولوسلار آراسی امکداش‌لیق لازیم‌دیر."