کروناویروسونا قارشی قلوبال هم رایلیک و اولوسلار آراسی امکداشلیق آرتیریلاجاق
بمت عمومی ایچلاسی یئنی نوع کروناویروسون (کووید-19) یاییلماسینا قارشی قلوبال هم رایلیگی و اولوسلار آراسی امکداشلیغی آرتیرماغا چاغیران قطعنامه یئکدیللیکله قبول ائدیب.
بمت عمومی ایچلاسی یئنی نوع کروناویروسون (کووید-19) یاییلماسینا قارشی قلوبال هم رایلیگی و اولوسلار آراسی امکداشلیغی آرتیرماغا چاغیران قطعنامه یئکدیللیکله قبول ائدیب.
نروژ، سوئیس، سنگاپور، اندونزیا، لیختن اشتاین و غنا طرفیندن حاضیرلانان و 193 عضولو بمت عمومی ایچلاسیندا 188 اؤلکه طرفیندن دستکلنن قرار یئکدیللیکله قبول ائدیلیب.
همین قرار بمت-نین کروناویروسون یاییلماسی ایله باغلی ایلک قراردیر.
کروناویروس اپیدمیاسی سببیندن ییغینجاغا چاغیریلا بیلمهین باش مجلیسده سس وئرمه یئنی قایدالار چرچیوهسینده کئچیریلیب.
قانون لاییحهسی آوریلین 2-ده تقدیم ائدیلدیکدن سونرا، یئرلی واختلا 18: 00-ا قدر اؤلکهلره اعتراض ائتمه حقوقو وئریلیب.
بو مودت باشا چاتاندان سونرا قرار یئکدیللیکله قبول ائدیلیب و قوهیه مینیب.
قراردا کروناویروسون جمعیتلر اوزریندکی داغیدیجی تأثیرینه و ایقتیصادیاتین، قلوبال سیاحت و تیجارتین جدی شکیلده پوزولدوغونا دیقت چکیلیب و ان کاسیب و ان چوخ تأثیرلنن اؤلکهلره کؤمکلیک گؤستریلمهسینین واجیبلیگی وورغولانیب.
اپیدمیایا قارشی قلوبال هم رایلیگی و اولوسلار آراسی امکداشلیغی آرتیرماغا چاغیران قراردا آیریجا، -هر نوع آیری-سئچکیلیک، عیرقچیلیگیک و خاریجی دوشمنلیگینه قارشی دورولماسی و اینسان حاقلارینا حؤرمتله یاناشیلماسینین لازیم اولدوغو قئید ائدیلیب.
دیگر طرفدن، روسیانین بمت باش مجلیسینه تقدیم ائتدیگی کروناویروس اپیدمیاسینین سبب اولدوغو چتینلیکلر قارشیسیندا تیجارت محاربهلرینی دایاندیرماغا و بمت تهلوکهسیزلیک شوراسینین راضیلیغی اولمادان بیرطرفلی تحریم قرارلاری وئرمه مهیه چاغیران قانون لاییحهسی ایسه قبول ائدیلمهییب.
دیپلوماتیک قایناقلاردان الده ائدیلن معلوماتا گؤره، امریکا، آوروپا بیرلیگی و اوکراینا قرارا اعتراض ائدیب.
بمت عمومی ایچلاسیندا اپیدمیا سببیندن سس وئریله بیلمه دیگی اوچون یئنی معین ائدیلن قایدالارا اساساً قانون لاییحهلری یالنیز یئکدیللیکله قبول ائدیله بیلیر.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.