ایستهنیلمهیهن آدام اعلان ائدیلدی
سربرنیتسا سویقیریمی اینکار ائدن و صرب لیدئر سلوبودان میلوشئویچه حیرانلیغییلا تانینان هاندکهیه تپکیلر داوام ائدی
بوسنیدهکی سویقیریمی دانان نوبل اؤدوللو اتریشلی یازار پیتر هاندکه، بوسنی و هرزگوینین باشکندی سارایئوودا ایستهنیلمهیهن آدام اعلان ائدیلدی.
سربرنیتسادا ۸ میندن چوخ بوشناک وطنداشین قتله یئتیریلدیگی سویقیریمی اینکار ائدن و صرب لیدئر سلوبودان میلوشئویچه حیرانلیغییلا تانینان هاندکهیه تپکیلر داوام ائدیر.
سارایئوو کانتون مجلیسی، بوشناک پارتیسی دموکراتیک ائیلم پارتیسینین تکلیفی اوزرینه ائدیلهن سس وئرمه نتیجهسینده، هاندکهنی کانتون سرحدلری ایچینده ایستهنیلمهیهن آدام اعلان ائتدی.
مجلیسدن وئریلهن یازیلی آچیقلامادا، نوبل اؤدلو آلان هاندکهنین بوسنیدهکی سویقیریمی اینکار ائتمهسینین سون نقطه اولدوغو ایفاده ائدیلهرک ان پیسی ده پیتر هاندکهنین گئچمیشدهکی اینکارچی فیکیرلرینی بو گون دییشدیرمهمهسیدیر" ایفادهسی ایشلدیلدی.
اتریشلی یازار هاندکه، سربرنیتساداکی سویقیریمی اینکار ائتمیش، مسلمان بوسنیلیلرین اؤز اؤزلرینی اؤلدوردوکلرینی ساوونموشدو. کوزوواداکی ساواش سیراسیندا دا صرب لیدئر میلوشویچین یانیندا یئر آلان هاندکه، یازیلاریندا، او دؤورده میلوشویچ رژیمینین ان بؤیوک دستکچیلریندن بیری اولموشدو.