پومپئو و لاوروو گؤروشدو
مایک پومپئو و روس همکاری سئرگئی لاوروو، ایکیلی ایرتیباطلار و بؤلگهسل پروبلملری اله آلان گئنیش بیر گؤروشمه رئاللاشدیردی
آمریکا خاریجی ایشلر ناظیری مایک پومپئو و روس همکاری سئرگئی لاوروو، ایکیلی ایرتیباطلار و بؤلگهسل پروبلملری اله آلان گئنیش بیر گؤروشمه رئاللاشدیردی.
ان سون 2017-جی ایلده واشیگتونا گئدن لاوروو، دوننکی زیارتینده آمریکا خاریجی ایشلر ناظیرلیک بیناسیندا پومپئو ایله گؤروشدو.
موصاحیبهنین آردیندان اورتاق بیر مطبوعات آچیقلاماسی تشکیل پومپئو و لاوروو، ژورنالیستلرین سواللارینی جوابلاندیردی.
روسیانین 2016داکی آمریکا پرزیدنت سئچیملرینه موداخیله ائتدیگی ادعالارینا ایستیناد اولان پومپئو، گؤروشمه اثناسیندا روس همکارینا موسکوانین آمریکا ایچ ایشلرینه قاریشماغا چالیشدیغی ایستیقامتیندکی ناراحاتلیقلارینی دیله گتیردیگینی ایفاده ائتدی. موضوعیا اعتراض گؤسترن لاوروو ایسه، شوبههلری آرادان قالدیرماق اوچون او ایل واشیگتون ایله ائدیلن بوتون گؤروشمه قئیدلرینی نشر تکلیف ائتدیکلرینی آنجاق آمریکا رهبرلیگینین بونا مانع اولدوغونو ایرهلی سوردو.
لاوروو، واشیگتون و موسکوا آراسینداکی گرگین موناسیبتلره دقتی چکهرک، گرگینلیگین بیتیریلمهسی و ایرتیباطلاردا یئنی بیر دؤور آچیلماسی اوچون هر ایکی اؤلکهنین رهبرلیکدن موستقیل اسکی نیظامی وظیفهلیلر و دیپلوماتلاردان عبارت متخصص بیر هئیت قورولماسینی تکلیف ائتدیگینی سؤیلهدی. لاوروو، بئلهلیکله ایکی اؤلکه آراسینداکی شوبههلر، میللی ساوونما سالدیریلاری و دیگر موضوعلارین قارشیلیقلی آیدین اولا بیلمهسی آدینا اهمیتلی بیر یول یازیلا بیلهجگینی وورغولایاراق، خاریجی ایشلر ناظیری پومپئویا بو اؤنریمیزی ایضاح ائدن بیر تقدیمات ائتدیک و فیکیرلریمیزین واشیگتون طرفیندن نظره آلیناجاغینی اومید ائدیریک. ایفادهلرینی ایستیفاده ائتدی.
دیگر طرفدن پومپئو و لاوروو، گؤروشمه اثناسیندا ونزوئلا، سوریه، اوکراین، یمن، افغانیستان، قوزئی کوره، ایران و نوکلئر آنلاشما موضوعلاریندا دا فیکیر موبادیلهسی ائتدیکلرینی قئید ائتدی.
پومپئو، کریمهنین ایلحاقی سببیله روسیایا ایستیقامتلی تحریملرین داوام ائدجگینی وورغولایاراق، موسکوایا کریمهدکی رهبرلیگی، قورولاجاق موستقیل بیر رهبرلیگه تسلیم ائتمهسی چاغیریشی ائتدی.
آیریجا ایرانا تطبیق اولونان تحریملری ده آرتیراراق داوام ائدهجکلرینی ایفاده ائدن پومپئو، تهران رهبرلیگی ایله ساواش ایستمدیکلرینی آنجاق آمریکا میللی ماراقلارینین تهدید آلتیندا اولماسی وضعیتینده لازیملی هر جور جوابی وئرهجکلرینی سؤیلهدی.
پومپئو، روس رهبرلیگینه ونزوئلا دولت باشقانی نیکولاس مادورویا دستک وئرمگی دایاندیرماسی چاغیریشینی دا ائدهرک، بو موضوعنو گوندمه گتیرمهیه داوام ائدهجکلرینی وورغولادی.
لاوروو ایسه، اومید ائدیرم کی، بو گؤروشمه یالنیز روسیا-آمریکا ایرتیباطلارینین گلیشدیرمهسی موضوعسوندا دئییل، عینی زاماندا کیچیک اما گئرچک بؤلگهسل و قلوبال پروبلملرین پراکتیک شکیلده حلّ ائدیلمهسینه ده کؤمکچی اولار. دئدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.