ایرانا قارشی کوالیسیون گیریشیمی
مایک پومپئو ایرانا قارشی اولوسلارآراسی کوالیسیون قورما چاباسیندا اولدوقلارینی دئدی
آمریکا بیرلشمیش دؤولتلری خاریجی ایشلر باخانی مایک پومپئو، سعودی عربیستانا عاید نفت تاسیسلرینین وورولماسین‌دان سوروملو توتدوقلاری ایرانا قارشی اولوسلارآراسی کوالیسیون قورما چاباسیندا اولدوقلارینی دئدی.
پومپئو، سعودی آرامکویا عاید نفت تاسیسلرینین وورولماسینین آردین‌دان سعودی عربیستان و بیرلشمیش عرب امیرلیکلرینه سفرلر ائتدی.
باخان پومپئو، ابوظبیده آیریلیشیندا اوچاقدا مطبوعات نماینده‌لرینه دانیشدی.
بو سالدیرینین آرخاسین‌دا ایرانین اولدوغونا ایناندیقلارینی بیر داها وورغولایان پومپئو، ایرانا قارشی آلیناجاق لازیم تدبیرلری هم ریاض هم ده ابوظبیده دانیشدیقلارینی دیله گتیردی.
پومپئو، آمریکا بیرلشمیش دؤولتلری ایله ایران آراسین‌دا هله ده بیر آنلاشمانین ممکن اولوب اولمادیغینا دایر سوالا،
"باشقان ترامپین ایسته‌دیگی شئی بودور. آچیقجا باریشجیل بیر چؤزوم ایسته‌ییریک و بونو دا گؤستردییمیزی دوشونوره‌م. اونلار (ایران) بیر آمریکا اینسان‌سیز هاوا آراجینی ووردولار، ایندی ده انرژی قایناقلارینا چوخ بؤیوک بیر سالدیری ائدیرلر و بیز هله ده بیر کوالیسیون یاراتماغا چالیشیریق" جاوابینی وئردی.
ایران‌لی قونومداشی جواد ظریفین ساواشا یؤنه‌لیک سؤزلرینین خاطیرلادیلماسی اوزرینه پومپئو،
"بورایا دیپلوماسی اوچون گلمیشه‌م. ایران خاریجی ایشلر باخانی تام ساواش و سون آمریکالییا قدر ساواشما تهدیدلری سووورارکن بیز باریشی هدفله‌یه‌ن و بو مسئله‌یه باریشجیل بیر چؤزوم تکلیف ائد‌ن بیر کوالیسیون اوزرین‌ده چالیشیریق. باشقان ترامپین من‌دن ائتمه‌‌می ایستدیگی شئی بودور، اومود ائدیره‌م ایران ایسلام جمهوریتی ده بونو بئله گؤرور. اونون (ظریفین) سؤزلرین‌دن بو نتیجه چیخمیر، اما اومود ائدیره‌م وضعیت بئله‌دیر" دئدی.
