۵ میلیون دلار اؤدول وئریلهجک
ترور هؤرگوتونون بعضی رهبرلرینین یئرینی معین ائتمهیه یاردیمچی اولاجاق بیلگی قارشیلیغیندا ۵ میلیون دلار اؤدول وئریلهجک
آمریکا بیرلشمیش دؤولتلری خاریجی ایشلر باخانلیغی القاعده ترور هؤرگوتونون بعضی رهبرلرینین یئرینی معین ائتمهیه یاردیمچی اولاجاق بیلگی قارشیلیغیندا ۵ میلیون دلار اؤدول وئریلهجگینی بیلدیردی.
باخانلیق، القاعدهنین اؤنده گلن آدلاریندان عبدالکریم المصری، فاروق السوری و سامی العریدینین یئرلرینین معینلشدیریلمهسی اوچون تکلیف ائدیلهن اؤدوله دایر یازیلی آچیقلاما وئردی.
آچیقلامادا، ایللردیر القاعده ایچینده یئر آلان و هؤرگوت لیدئری ایمن الظواهریه چوخ باغلی اولان بو آدلاردان مصر وطنداشی المصرینین، سوریهدهکی القاعده ایله امکداشلیق، "حراس الدین" آدلی هؤرگوت ایله النصره جبههسی آراسیندا آراچیلیق وظیفهسی ائتدیگی قید ائدیلدی.
سوریه وطنداشی فاروق السورینین القاعدهیه قوشولان میلیتانلارا تعلیم وئردیگی، اردن وطنداشی سامی العریدینین ده داها اؤنجه آمریکا بیرلشمیش دؤولتلری و ایسراییله قارشی ائدیلهن سالدیریلاردا ایشتیراک ائتدیگی، ایندی ده "حراس الدین" هؤرگوتو اوچون چالیشدیغی قید ائدیلدی.
ناظرلیک آچیقلاماسیندا بو آدلار حاقیندا معلوماتلارا، نمایندهلره ائلئکترون پوچت و یا تئلئفونلا چاتمالاری دعوت ائدیلیب و هر بیر آد اوچون ۵ میلیون دوللار اؤدول وئریلجیی قئید ائدیلیب.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.