سوداندا یئنی حکومت آند ایچدی
سودانین یئنی کابینه، حاکمیت شوراسی‌نین باشقانی، ژنرا‌لی عبدالفتاح البورهان و باش ناظیر عبدالله حامدوک‌ون حضوروندا آند ایچه‌رک وظیفه‌سینه باشلاییب
سودانین یئنی کابینه، حاکمیت شوراسی‌نین باشقانی، ژنرا‌لی عبدالفتاح البورهان و باش ناظیر عبدالله حامدوک‌ون حضوروندا آند ایچه‌رک وظیفه‌سینه باشلاییب.
اؤلکه‌نی 3 ایل ایداره ائده‌جک یئنی کابینه، آند ایچمه مراسیمی‌نین آردین‌دان حاکمیت شوراسی‌نین باشقانی بورهان ایله ایلک ایجلاسینی کئچیریب.
توپلانتی‌نین سونرا مطبوعات نماینده‌لرینه آچیقلاما وئرن کئچید دؤورو ایلک کابینه‌سی‌نین مدنیت، اینفورماسیون ناظیری و حکومت سؤزچوسو فیصل محمد صالح،
عسگر- سیویل ال-اله بیرگه ایشلمک ایستگیمیزی بیلدیردیک". دئدی.
حکومت سؤزچوسو صالح، اینقیلابین "آزادلیق، باریش و عدالت" شعارلارینی یئرینه یئتیره‌جک‌لرینی ایفاده ائتدی.
مالیه ناظیری ایبراهیم البدوی ده سوقوت ایقتیصادی دوز‌لیگه آچماق اوچون 200 گونلوک عاجیل فعالیت پلانی آچیقلاییب.
بدوی، پروقرامین سوسیال ریفاهی تامین ائتمگی، تحصیل، ساغلیق و اینکیشاف اوچون خرج آپارماغی قارشی‌سینا مقصد قویدوغونو بیلدیریب.
سوداندا کئچن جمعه، آوریل آیین‌داکی نیظامی کودتا‌نین آردین‌دان 39 آیلیق کئچید دؤورونون ایلک حکومتی قورولموشدو.
ساوونما و ایچ ایشلر ناظیرلیک‌لرینی عسگرین معین ائتدیگی یئنی کابینه، 20 ناظیردن عبارت‌دیر. حیواندارلیق ایله آلت یاپی ناظیرلری‌نین آدی، مصلحتلشمه‌لردن سونرا آچیق‌لانا‌جاق.
کابینه‌ده خاریجی ایشلر ناظیرلیگی وظیفه‌سینه اسما محمد عبدالله، ایچ ایشلر ناظیرلیگی وظیفه‌سینه ایسه ژنرا‌لی التورایفی ایدریس گتیریلدی.
یئنی حکومتین ساوونما ناظیری ژنرال جمال الدین عمر، مالیه باخانی ایبراهیم احمد البدوی، عدلیه ناظیری ده نصرالدین عبدالباری اولدو.
سوداندا 3 ایل 3 آی داوام ائده‌جک کئچید دؤورونده حاکمیت شوراسینا 21 آی عسگر، 18 آی بیر سیویل شخص باشقانلیق ائده‌جک.
کئچید دؤورونون آردین‌دان سئچیم‌لره گئده‌جک و عسگرلر رهبرلیگی تامامیله سیویل وطنداش‌لارا تحویل وئره‌جک.
