بورکینا فاسودا 3 آیری سالدیری: 29 اؤلو
یازی‌لی آچیقلامادا، دونن دابلو کلبو بؤلگه‌سینده اینسانی یاردیم اکیپ‌لری داشییان بیر کونوویا ترورچولار طرفین‌دن سیلاح‌لی سالدیری تشکیل اولوندوغونو بیلدیریب
بورکینا فاسودا 3 آیری ترور ائلمینده ان آزی 29 نفر اؤلوب.
بورکینا فاسو حکومت سؤزچوسو و رابطه ناظیری رمیس فولگانس داندژینوو، وئردیگی یازی‌لی آچیقلامادا، دونن دابلو کلبو بؤلگه‌سینده اینسانی یاردیم اکیپ‌لری داشییان بیر کونوویا ترورچولار طرفین‌دن سیلاح‌لی سالدیری تشکیل اولوندوغونو بیلدیریب.
داندژینوو، سالدیریدا 14 سیویل وطنداشین اؤلدوغونو بیل‌دیره‌رک، جان ایتکی‌لری‌نین یاناشی کونوویدا بؤیوک میقیاسدا مادی زیان میدانا گلدیگینی ده بیلدیردی.
سالدیری‌دان قیسا بیر مدت سونرا ایکینجی بیر آچیقلاما داها درج ائدن ناظیر داندژینوو، بیر نقلیات یوک ماشینی‌نین سانماتنگا شهرین‌دکی بارسالوگو گوئندبیلا نقطه‌سینده مینایا توخونماسی نتیجه‌سینده 15 نفرین اؤلدوغونو، 6 نفرین ده یارالاندیغینی ایفاده ائتدی.
رمیس فولگانس داندژینوو، یارا‌لی‌لارین اطراف‌داکی خسته‌خانا‌لاردا معا‌لیجه آلتینا آلیندیغینی دا قئید ائدیب.
دیگر طرف‌دن، امنیت منبع‌لری، یاتنگا شهری‌نین بانه بؤلگه‌سینده ترورچولارین کئچیردیگی باشقا بیر سالدیریدا ایسه 4 نفرین یارالاندیغینی آچیقلاییب.
اوردو سالدیری‌لارین آپاریلدیغی بؤلگه‌لره عملیات کئچیره‌رک، یئرلی خالق‌دان عسگرلرله امکداش‌لیق حالیندا اولما‌لارینی طلب ائدیب.
آرتان ترور حادثه‌لری سببی ایله بورکینا فاسونون قوزئی، ساحیل بؤلگه‌سی ایله غرب و مرکزی حیسه‌لرینده 1 ژانویه 2019دا فوق ا‌لعاده حال اعلان ائدیلمیشدی.
فوق ا‌لعاده حال قراری، 13 بؤلگه‌دن عبارت اولان اؤلکه‌نین 7 بؤلگه‌سینده تطبیق اولونور.
ایلگیلی‌لی خبرلر
بایدن فرانسادا زلنسکی ایله گؤروشه‌جک
امریکا پرزیدنتی جو بایدن ژوئن‌ین 7-ده فرانسادا اوکراینا‌لی همکاری ولودیمیر زلنسکی ایله گؤروشه‌جک.
