"ایران مذاکره ائدهبیلهجگیمیز نقطهیه دوغرو گئدیر"
آمریکا ساوونما باخانی، ایرانین یاواش یاواش مذاکیرهلری قبول ائدجک نقطهیه گلدیگینی سؤیلهدی
آمریکا بیرلشمیش دؤولتلرینین ساوونما باخانی مارک اسپر، آمریکا بیرلشمیش دؤولتلرینین ایرانا قارشی حداکثر باسقی سیاستینی داوام ائتدیرجگینی و بو یوللا ایرانین یاواش یاواش مذاکیرهلری قبول ائدجک نقطهیه گلدیگینی دئدی.
آمریکا بیرلشمیش دؤولتلری ساوونما باخانی اسپر، اینگیلترهنین باشکندی لندندهکی کرالیت بیرلشمیش خیدمتلر انستیتوسوندا دانیشدی.
اسپر، واشینگتونون تهرانا قارشی یئریتدیگی سیاستلره بعضی متفیقلرینین قارشی چیخدیغینی، آنجاق آمریکا بیرلشمیش دؤولتلری پرزیدنتی دونالد ترامپین، اقتصادی تحریملر یولو ایله ایرانا قارشی ماکسیمم باسقی سیاستینی داوام ائتدیرمک قونوسوندا قرارلی اولدوغونو بیلدیردی.
آمریکا بیرلشمیش دؤولتلرینین باسقیلارینین ایرانی نوکلئر آنلاشمانین یئرینه گئچهجک یئنی آنلاشمایا زورلاماغی آماجلادیغینی ایفاده ائدن اسپر،
"گؤرونوشه گؤره، ایران مذاکره ائدهبیلهجگیمیز بیر نقطهیه دوغرو گئدیر" دئدی.
یئنی آنلاشما ایله ایرانین نوکلئر سلاح الده ائتمهسینه مانع اولماق ایستدیکلرینه دقت چکهن اسپر،
"یئنی نوکلئر آنلاشما، ایرانین ۱۰-۱۵ ایل دئییل ابدی نوکلئر سلاحا صاحب اولمایاجاغی ضمانتینی وئرمهلیدیر" دئیه دانیشدی.
ایلگیلیلی خبرلر
غزهیه هئچ بیر شئی و هئچ کیمین گیریش چیخیشینا ایجازه وئریلمیر
"وطنداشلار، غزهده اؤلدورولور، آجلیغا معروض بوراخیلیر و بیزیم اونلارا کؤمک ائتمهمیزه مانع تؤردیلیر"