ائوسیز ساییسی ایکی قاتینا چیخدی
"زنگین بیر اؤلکهده اینسانلاری یاخشی بیر چاتی آلتیندا ساخلاماغی باجارابیلمهدیگیمیز اوچون اوتانماق لازیمدیر"
هلندده ائوسیز ساییسی ۱۰ ایلده ایکی قاتینا چیخدی.
هلند ایستاتیستیک مرکزی طرفیندن ائدیلن آراشدیرمادا، اؤلکهده ۱۸ ایله ۶۵ یاش آراسی ائوسیز ساییسینین ۲۰۰۹دا ۱۷ مین ۸۰۰ ایکن، ۲۰۱۸ده ۳۹ مین ۳۰۰ نفره یوکسلدیگی بیلدیریلدی.
آراشدیرمادا، ائوسیزلرین یوزده ۵۷سینین کؤچمن اولدوغو، باتیلی اولمایان کؤچمن کؤکنلی ائوسیز ساییسینین ایسه تخمیناً اوچ دفعه آرتاراق ۶ مین ۵۰۰دن ۱۸ مین ۳۰۰ نفره چیخدیغی بیلدیریلدی.
بو اینسانلارین یوزده ۱۶سینی قادینلارین اولوشدورودوغونا یئر وئریلهن آراشدیرمادا، ۱۸ ایله ۳۰ یاش آراسی ائوسیزلرده ایسه ساییسینین اوچ دفعه آرتاراق ۴ میندن، ۱۲ مین ۶۰۰ نفره یوکسلدیگی ایفاده ائدیلدی.
ائوسیزلرین یوزده ۳۷یسینین آمستردام، روتردام، لاهه و اوترخت کیمی بؤیوک شهرلرده یاشادیغی قید ائدیلدی.
اؤلکهده قاچاق یاشایان ائو سیزلرین آراشدیرمایا داخیل ائدیلمدیگی بیلدیریلدی.
هلند ساغلیق، ریفاه و ایدمان باخانلیغی دؤولت مشاویری پل بلوکیس، دؤولت یایین قورولوشو اناواسه ائتدیگی آچیقلامادا، رقملرین "قورخونج" اولدوغونو قید ائدرک،
"اولکهده، ائوسیزلرین ساییسیندا آزالما یئرینه آرتیش گؤستردیگینی بیلیردیک اما گوجلو بیر آرتیشین اولماسی خسران اولدو. زنگین بیر اؤلکهده اینسانلاری یاخشی بیر چاتی آلتیندا ساخلاماغی باجارابیلمهدیگیمیز اوچون اوتانماق لازیمدیر" دئدی.