ترامپ روسیانین G7 -یه قوشولماسینی ایستییر
امریکا پرزیدنتی دونالد ترامپ روسیانین G7 -یه قاییتماسینین اویغون اولاجاغینی بیلدیریب.
امریکا پرزیدنتی دونالد ترامپ روسیانین G7 -یه قاییتماسینین اویغون اولاجاغینی بیلدیریب.
ترامپ دونن رومینیا پرزیدنتی کلاوس یوهانیس ایله کئچیردیگی ایکیلی گؤروشدن اول ژورنالیستلره آچیقلاما وئریب.
روسیانین یئنیدن G7 قروپونا قوشولاراق، بو قروپو G8 ائتمک ایستهدیکلرینی سؤیلهین ترامپ "روسیانین دا بو قروپدا اولماسینین داها اویغون اولاجاغینی دوشونورم" دئییب.
ترامپ روسیانین G8 -دن چیخاریلماسی موضوع سوندا دا امریکانین کئچمیش پرزیدنتی باراک اوبامانی گوناهلاندیریب.
امریکا پرزیدنتی کئچن ایل ژوئن آییندا دا روسیانی قروپا داخیل ائتمهنین G7 اوچون قازانج اولاجاغینی سؤیلهمیشدی.
دیگر طرفدن ترامپ امریکانین مسکوا سفیرلیگی پوستونا دؤولت کاتیبینین معاوینی جان سولیوانی تعیین ائتمهین "یاخشی بیر سئچیم" اولاجاغینی بیلدیریب.
ترامپ افغانیستان-دا داوام ائدن باریش دانیشیقلاری بارهده ایسه دئییب کی، بوراداکی محاربه 18 ایلدیر داوام ائدیر، بو آخماقجاسینا بیر شئیدیر.
افغانیستان مسئلهسینده بوتون طرفلرله گؤروش کئچیردیکلرینی بیلدیرن ترامپ "ایندیدک گؤروشلر یاخشی گئدیر. ایستسک بوراداکی حربی بیر هفتهده سونا چاتدیرارام، اما 10 میلیون افغانی اؤلدورمک ایستمیرم" دئییب.
ترامپ افغانیستانین تهلوکهلی بیر یئر اولدوغونو بیلدیرهرک، گؤزلرینی بؤلگهدن آییرمایاجاقلارینی وورغولاییب.
امریکا پرزیدنتی اؤلکهسینین افغانیستاندان تامامیله چکیلیب چکیلمهیهجگینه دایر موذاکیرهلرینی داوام ائتدیرهجکلرینی بیلدیریب.
ترامپ پاکیستان و هیندیستان آراسینداکی کشمیر پروبلئمینه ده ایشاره ائدهرک، "کشمیر مسئلهسی مرکب بیر موضوع دور. هیندولار و مسلمانلارین بیر-بیرلرینی چوخ یاخشی باشا دوشدوکلرینی سؤیلهیه بیلمرم" دئیه قئید ائدیب.
هفته سونو فرانسادا هیندیستانین باش ناظیری نراندرا مودی ایله بیر آرایا گلجیینه دایر معلومات وئرن ترامپ "کشمیر موضوع سوندا واسطه چیلیک اوچون الیندن گلهنین ان یاخشیسینی ائدهجهیم" دئییب.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.