روسیا درین پشمانلیق دویدوغونو بیلدیردی
"قونو حاقین‌دا درحال سوروشدورما باشلادیلاجاغی و لازیم اولان آددیملارین آتیلاجاغی قید اولوندو"
روسیا، ساواش اوچاقلارینین گونئی کره‌نین هاوا ساوونما و تانیملاما بؤلگه‌سی اعلان ائتدیگی بؤلگه‌یه ایجازه‌سیز داخیل اولماسی سببی ایله یاشانان گرگینلیین آردین‌دان سئول رهبرلیگینه "اولای ایله ایلگیلی درین پشمانلیق" مئساژینی چاتدیردی.
گونئی کره خبر آژانسی یونهاپین خبرینه گؤره، دؤولت باشقانلیغی قورومسال ایله‌تیشیم کاتیبی یون دو-حان، روسیانین، سئول حربی آتاشه‌سی واسطه‌سی ایله چاتدیردیغی مئساژدا، "هاوا مکانی پوزولماسینین بیلینجلی اولمادیغی، اوچاق‌لارین تکنیک بیر خطا سببیله یوللارین‌دان چیخدیغی" معلوماتینی پایلاشدیغینی بیلدیردی.
حربی آتاشه‌نین، روسیانین "اولای سببیله درین پشمانلیق دویدوغو" مئساژینی چاتدیردیغینی قید ائد‌ن یون،
"قونو حاقین‌دا درحال سوروشدورما باشلادیلاجاغی و لازیم اولان آددیملارین آتیلاجاغی قید اولوندو" دئیه دانیشدی.
گونئی کره ساوونما باخانلیغی، دونن سحر ساعاتلارین‌دا هاوا ساوونما و تانیملاما بؤلگه‌سی اعلان ائتدیگی ساحه‌نی پوزدوقلاری سببیله ۳ روس ساواش اوچاغیما آتیش ائتدیگینی بیلدیرمیشدی.
ایلگیلی‌لی خبرلر
جو بایدن گ7 لیدرلر زیروه‌سینده ایشتیراک ائده‌جک
جو بایدن 13-15 جون تاریخلرینده ایتالیانین آپولیا بؤلگه‌سینده کئچیریله‌جک گ7 زیروه‌سینه قاتیلاجاق
