یونانیستاندا حکومت گووئن رایی آلدی
یونانیستاندا ارکن سئچیملر سونراسیندا تک باشینا اقتدارا گلن یئنی دموکراسی حکومتی پارلامنتده گوون رایی آلدی
یونانیستاندا ارکن سئچیملر سونراسیندا تک باشینا اقتدارا گلن یئنی دموکراسی (ND) حکومتی پارلامنتده گوون رایی آلدی.
حکومت پروقرامینا دایر تخمینن 3 گون مدتین مجلیس باش قورولو باشا چاتدی. پروسه سونونداکی سس وئرمهده هامیسی یئنی دموکراسینین میللت وکیلی اولان 158 "بلی" سسی ایله حکومت پروقرامی تصدیق اولوندو.
مجلیسده 300 میلت وکیلیندن 142سی ایسه "خیر" سسی ائتدی.
ایقتیصادا آغیرلیق وئریلن حکومت پروقرامیندا، امنیت، ساوونما، کؤچمن و خاریجی سیاست مسئلهلری ده ا یئنی دموکراسی اؤنملی یئر توتدو.
مجلیس تریبونوندان میللت وکیللرینه خیطاب ائدن باش ناظیر کیریاکوس میتسوتاکیس ایجراعات سؤزو وئرهرک، "خالق بیزه گووئنیب. مسئولیتیمیز آغیر. یونان خالقینی یاخشیلاشدیرماغا چالیشمادیغیم بیر گون بئله اولمایاجاق". دئدی.
میتسوتاکیسین پروقرامیندا یاتیریملاری آسانلاشدیرماق مقصدیله خصوصیله وئرگی یوکونون یونگوللشدیریلمهسی یئر آلیر.
اؤزللشدیرمه پروقرامیندا سرعت وئریلمهسی ایسه ایقتیصاد پروقرامینین دیگر بیر اهمیتلی آیاغینی یارادیر. حکومتین دولت انرژی قورومو (DEH)، بین الخالق آتن هاوالیمانی و یونان نفتلری (ELPE) اؤزللشدیرمهسینه اوستونلوک وئریلهجگی بیلدیریلیر.
میتسوتاکیس، بو ایل و گلن ایل اوچون بودجه پلانلاریندا دییشیکلیک نظرده توتمازکن، اؤلکهنین کرئدیتورلرینین قویدوغو یوزده 3.5لیک فایز دیشی هدفینی آزلتماق اوچون دانیشیقلار آپارماغی پلانلاشدیریر.
کئچمیش باش ناظیر و سیریزا لیدری آلکسیس چیپراس ایسه حکومتین ایقتیصادی هدفلری رئاللاشدیرماق اوچون 1.8 میلیارد یورو قایناغا احتیاجی اولدوغونو و بودجهده بونون یئر آلمادیغینی ادعا ائدیب.
یونان حکومتینین خاریجی سیاست پروقرامیندا ایسه قوزئی مقدونیه ایله کئچیریلن آد آنلاشماسی و قیبریس پروبلمینه اوستونلوک وئریلیب.
یونانیستان خاریجی ایشلر ناظیری نیکوس دندیاس، سئچیم اؤنجهسی پارتیسینین "آنلاشما لغو ائدیلهجک". شکلیندکی آغیر داورانیشدان فرقلی اولاراق، آنلاشمانین منفی تأثیرلرینین قارشیسینین آلینماسی اوچون تلاش ائدهجکلرینی دئییب.