مالزی‌دان ایسرائیله تونل اعتراضی

مالزی ایسرائیلین ایشغال آلتین‌داکی شرقی قودسده مسجید اقصی‌نین جنوبون‌داکی سیلوان محله‌سین‌دکی بوراک (آغلاما) دیوارینا تونل آچماسینا تپکی گؤستردی.

مالزی خاریجی ایشلر ناظیری سیف الدین عبدالله، ناظیرلیگین یئمک دعوتینده، ایسرائیلین بازار ارته‌سی گونو شرقی قودسده آپاردیغی تونل آچیلیشینا دایر بیانات‌لار وئردی.

مالزی حکومتی‌نین ایسرائیلین تک طرف‌لی آلدیغی بو قراری هئچ واخت قبول ائتمدیگینی دیله گتیرن سیف الدین، "بو آکتین فیلیسطین‌لی‌لره دانیشیلا‌راق کئچیریلمه‌سی لازیم" ایدی. ایفاده‌سینی ایستیفاده ائتدی.

سیف الدین، "ایسرائیلین بو ائتدیگینه گؤز یومموروق، بو باره‌ده قطعتیمیزی داوام ائتدیره‌رک فیلیسطین‌لی‌لرین یانیندا دوراجاغیق". دئدی.

سیف الدین، ایسرائیلین، منطقه‌ده باریش پروسه‌سینی ضرره اوغرا‌دان فعالیت گؤستردیگینی وورغولاییب.

ایسرائیل اورقان‌لاری، بازار ارته‌سی گونو مسجید اقصی‌نین جنوبون‌داکی سیلوان محله‌سینده یئرلشن و یهودی اینانجینا گؤره مقدس ساییلان سیلوان حوووضون‌دان (Breikhat HaShiloah) حرمی شریفین بوراک دیوارینا چیخان تونلین آچیلیشینی ائتمیشدی.

چوخ امنیت تدبیرلری آلتیندا حیاتا کئچیریلن آچیلیش مراسیمینده، آمریکانین اورتا شرق خصوصی نماینده‌سی ژاسون گرئئنبلاتت، آبش-این ایسرائیل سفیری دئوید فریدمان ایله چوخ سایدا ایسرائیل‌لی دئپوتات و ناظر ایشتیراک ائدیردی.

سؤزقونوسو تونل، ایسرائیل حکومتی‌نین مسجید اقصی‌نین اطرافی باشدا اولماقلا یهودی‌لرله "داوودون شهری" کیمی سجیه‌لن‌دیریلن سیلوان محله‌سی ایله شرقی قودسون تامامیندا توریست پروژه‌لر و آرکولوژی قازینتی‌لاری نظرده توتان " Shalem " پزوژه‌نین بیر پاچاسی.

فیلیسطین‌لی‌لر، "شرقی قودسون قورولا‌جاق فیلیسطین دولتی‌نین باشکندی اولدوغو" ایستیقامتین‌دکی طلب‌لرینه باغلی‌لیق‌لارینی داوام ائتدیررکن، ایسرائیلین یهودی‌لشدیرمه سیاست‌لری چرچیوه‌سینده شرقی قودسون موسلمان عرب کیم‌لیگینی دییشدیرمه‌یه چالیشدیغینی بیلدیریر.