لیدرلر راضیلیغا گله بیلمه‌دی‌لر
لیدرلر آوروپا بیرلیگی قوروم‌لاری‌نین رهبرلرینی بو گون معین ائده بیلمه‌دی‌لر.
آوروپا بیرلیگینه عضو اولان اؤلکه‌لرین لیدرلری اساس آوروپا بیرلیگی قوروم‌لاری‌نین رهبرلری‌نین معین اولونماسی ایله باغلی تخمینا 18 ساعت داوام ائدن موذاکیره‌لرده راضیلیغا گله بیلمه‌دی‌لر. موذاکیره‌له صاباح داوام ائده‌جک.
آوروپا شوراسی‌نین صدری دونالد توسکین سؤزچوسو پربن امانن تویتر حسابیندان بؤلوشدوگو مئساژیندا لیدرلرین بو گون توپلانتینی دیاندریدیق‌لارینی، موذاکیره‌لرین صاباح یئرلی واختلا ساعات 11.00-دا داوام ائتدیریله جگینی بیلدیردی.
خاطیرلاداق کی، آوروپا بیرلیگی‌نین لیدرلر توپلانتی سی دونن آخشام ساعات‌لاریندا بئلچیکانین پایتاختی بروکسل-ده باشلاییب، توپلانتییا آرا وئریلدیک‌دن سونرا گئجه عرضینده ایکی طرف‌لی گؤروش‌لر کئچیریلیب.
لیدرلر سحر یئمگی فورماتیندا یئنی‌دن بیر آرایا گلیب‌لر.
آوروپا بیرلیگی عضوو اولان 28 اؤلکه‌نین لیدری آوروپا بیرلیگی کمیسیونو، آوروپا شوراسی، آوروپا پارلامنئتی، آوروپا مرکزی بانکی (ECB) و آوروپا بیرلیگی‌نین خاریجی علاقه‌لر و تهلوکه‌سیزلیک سیاستی عذره نماینده‌لیگی کیمی مهم قوروم‌لارین رهبرلیگینه گله‌جک شخص‌لرین نامیزدلیک‌لرینی موذاکیره ائتمک اوچون بروکسل-ده کئچیریلن توپلانتی دا تخمینا 18 ساعات گرگین دانیشیق‌لار آپاریب‌لار.
