کلمبیا اونیورسیته سینده "آراکان مسلمان‌لاری‌نین سوی قیریمی" آدلی پانل کئچیریلدی

امریکانین نیویورک شهرینده یئرلشن کلمبیا اونیورسیته سینده " آراکان مسلمان لارینین سوی قیریمی" آدلی پانل کئچیریلدی.

"هامییا عدالت" پرینسیپی ایله فعالیت گؤسترن نیویورک مرکزلی "بودیست فعالیت کوالیسیونو" آدلی غیری-حکومت تشکیلات‌لاری طرفیندن تشکیل ائدیلن پانلده آراکان‌لی موسلمان‌لارا ائدیلن ظلمون سبب‌لری موذاکیره ائدیلدی.

پانلده تدقیقاتچی-یازار آزئم ایبراهیم، " Free Rohingya Coaliation "ون نیویورک شعبه‌سی‌نین رهبری خین مای  آونگ، " Burma Task Force New "ون و بیرلشمیش میللت‌لر تشکیلاتی‌نین پروقرام دیرکتورو آدم کارول، یازار آشلی آیه آیه دون ایشتیراک ائتدی‌لر.

آزئم ایبراهیم پانلده چیخیش ائده‌رک آراکان-‌لی مسلمان‌لارین میانمار-دا اوزون ایللردیر آغیر تضییق و ظلم‌لره معروض قالدیغینی وورغولادی.

ایبراهیم ایشتیراکچی‌لارا آراکان مسلمان‌لاری‌نین 2017-جی ایل حادثه‌لرین‌دن اول یاشادیغی کندلرین اوولکی و سونراکی وضعیتینی گؤستردی.

Free Rohingya Coaliation New York -ون رهبری خین مای آونگ دا پانلده چیخیش ائده‌رک: "میانمار-دا ائتنیک و دینی آییریشما اردو طرفیندن مقصدیؤن‌لو شکیلده سیاسی موتیو‌لرله باغلی تطبیق ائدیلدی" فیکرینی بؤلوشدو.

Burma Task Force New York -ون و بیرلشمیش میللت‌لر تشکیلاتی‌نین پروقرام دیرکتورو آدم کارول ایسه میانمار-دا نیفرتین یاییلماسی اوچون "فیسبوک" و تویتر کیمی تکنولوژی ایمکان‌لاردان دا ایستیفاده ائدیلدیگینه دقت چکدی.

یازار آشلی آیه آیه دون دا ایسلاموفوبیا و خاریجی دوشمنلیگی میانمار-دا اوزون ایللر اولدوغونو قئید ائتدی.

خاطیرلاداق کی، 2012-جی ایلده آراکاندا بودیست‌لر و مسلمان‌لار آراسیندا چیخان قارشیدورما‌لاردا مین‌لرله مسلمان قتله یئتیریلیب و یوزلرله ائو و ایش یئرلری یاندیریلیب.

25 آوقوست 2017-جی ایلده آراکان‌داکی سرحد کئچید منطقه‌لرینه تشکیل ائدیلن عینی واخت‌لی هوجوم‌لاری سبب گؤسترن میانمار اردوسو و بودیست میللتچی‌لر کوتلوی زوراکی‌لیق آکسیا‌لاری تؤردیب‌لر.

بیرلشمیش میللت‌لر تشکیلاتینا گؤره، 25 آوقوست 2017-جی ایلدن سونرا آراکان‌داکی تضییق و ظلم‌دن قاچیب بنگلادشه سیغینان‌لارین سایی 745 مینه چاتیب. اولوسلار آراسی اینسان حاق‌لاری مدافعه تشکیلات‌لاری اویدو فوتوشکیل‌لری ایله یوزلرله کندین یوخ ائدیلدیگینی ثبوت ائدیب.