کوبا، ونزوئلادا نیظامی گوجو اولدوغو ادعاسینی یالانلادی
کوبا، ونزوئلادا نیظامی گوجو اولمادیغینی و بو اؤلکهده هر هانسی بیر امنیت عملیاتینا داخیل اولمادیغینی بیلدیریب
کوبا، ونزوئلادا نیظامی گوجو اولمادیغینی و بو اؤلکهده هر هانسی بیر امنیت عملیاتینا داخیل اولمادیغینی بیلدیریب.
کوبانین آمریکا ایشلری باش دیرکتورو کارلوس فرناندز ده کوسیو، آسوشیتد پرس آژانسینا وئردیگی آچیقلامادا، آمریکا رهبرلیگینین، کوبانین ونزوئلادا 20 میندن چوخ نیظامی و امنیت آژانی اولدوغو ایستیقامتیندکی گوناهلاندیرماسی حقیقتی عکس ائتدیرمدیگینی سؤیلهدی.
فرناندز ده کوسیو، ونزوئلادا تقریباً 20 مین کوبالینین اولدوغونو، آنجاق بو اینسانلارین ساغلیق ایشچیلری اولدوغونو بیلدیریب، عسگر یوخ. کوبا، ونزوئلادا نیظامی عملیاتلارا و یا امنیت عملیاتلارینا قاتیلمیر." ایفادهلرینی ایستیفاده ائتدی.
آمریکا پرزیدنتی دونالد ترامپ، ونزوئلاداکی سون وضعیته دایر کوبا رهبرلیگینی گوناهلاندیراراق، اگر کوبا عسگرلری و میلیتانلاری، ونزوئلا آنایاسینی یوخ ائتمه و اؤلوملره سبب اولما مقصدی گودن بوتون نیظامی و دیگر عملیاتلارینی درحال دایاندیرماسا، کوبا آداسینا، ان یوکسک سویهده تحریملرله بیرلیکده تام و احاطهلی بیر تحریم اویقولاناجاقدیر." قیمتلندیرمهسینی ائتمیشدی.
ونزوئلادا 23 ژانویهده اؤزونو دولت باشقانی اعلان ائدن مجلیس باشقانی خوان گوایدو، اوّلکی گون سوسیال پایلاشیم سایتی توئیتر اوزریندن ائتدیگی 3 دقیقهلیک ویدئو ماتریاللا خالقا و عسگرلره کوچهیه چیخماق چاغیریشی ائتمیشدی.
ونزوئلا ساونما ناظیری ولادیمیر پادرینو لوپز ایسه کوتا تلاشینا قارشی چیخاجاقلارینی بیلدیرهرک، "بیز سیلاحلی گوجلر اولاراق آنایاسال نظمی مدافعه ائتمهیه آند ایچدیک. خائین کودتا تلاشی قارشیسیندا حاضیریق. نیظامی بیرلیکلرده فوقالعاده بیر وضعیت سؤز قونوسو دئییل، هر کس قوموتانلارین امرینده." آچیقلاماسینی ائتمیشدی.
آمریکا رهبرلیگی ایسه گوادیو و طرفدارلارینین کودتا تلاشینا تام دستک وئرن آچیقلامالار ائتمیشدی.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.