دونالد ترامپ، نیویورک تایمز قزئتینه اعتراض ائتدی
ترامپ، اوندان عذر دیلمدیگینی سؤیله‌یه‌رک قزئتی "ان آشاغی ژورنالیستیک سویه‌سی" دئیه آدلاندیردی
آمریکا پرزیدنتی دونالد ترامپ، ایسرائیلین باش ناظیری بنیامین نئتانیاهونون " ترامپی آرخاسیندان سوروکله‌یین رهبر ایت" کیمی چکن کاریکاتورو یایینلایان نیویورک تایمز قزئتینه اعتراض ائتدی.
ترامپ، اوندان عذر دیلمدیگینی سؤیله‌یه‌رکقزئتی "ان آشاغی ژورنالیستیک سویه‌سی" دئیه آدلاندیردی.
دونالد ترامپ، سوسیال شبکه سایتی توئیتر حسابین‌دان ائتدیغی آچیقلامادا، تئز-تئز "یالان خبرلر" ایله اتهام اولونان نیویورک تایمز قزئتینه یوکلندی.
قزئتین، نئتانیاهونو "ترامپی یؤنل‌دن بیر ایت" کیمی گؤسترن کاریکاتورا اوچون عذر ایسته‌دیگینی خاطیرلادان ترامپ، بو ایفاده‌لری ایستیفاده ائتدی:
"نیویورک تایمز تهلیکه‌لی آنتی-سمیتیک کاریکاتورا اوچون عذر ایسته‌دی، اما بو کاریکاتورا و یا منیم باره‌ده گونده‌لیک یایینلادیغی هر هانسی دیگر یالان و سهو خبرلر اوچون من‌دن عذر ایستمه‌دی.
نیویورک تایمز قزئتی‌نین جمعه آخشامی ساییسیندا نشر اولونان بیر کاریکاتورا، ایسرائیل باش ناظیری بنیامین نئتانیاهو، آمریکا پرزیدنتی دونالد ترامپدان سونرا "یول گؤستریجی" اولا‌راق خاراکتریزه ائدیلدی.
سوسیال مئدیا ایستیفاده‌چی‌لری کاریکاتورو "آنتی‌سمیتیک" اولا‌راق تنقید ائده‌رک نیویورک تایمزا اعتراض ائتدی.
قزئتده، شنبه گونو یایینلادیغی بیر عذر دیلگی یازیسیندا، سؤز قونوسو کاریکاتوردا "آنتی‌سمیتیک متافور‌لار" ایچه‌ردیغینی بیلدیره‌رک،
"بو، گؤرونور، پیس‌دیر و نشر اولونماسینا ایجازه وئریلمه‌سی سهو بیر قراردی." ایفاده‌سینی ایستیفاده ائتمیشدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
