اف-۳۵ اوچاغی دوشدو
اوچاق و پیلوتو آختارما ایشلرینین داوام ائتدیگی قید ائدیلدی
تعلیم اوچوشو سیراسیندا دونن راداردان چیخان ژاپن هاوا گوجلرینه عاید اف-۳۵ شبح اوچاغین پاسیفیک اقیانوسونا دوشدویو معین ائدیلدی.
کیودو آژانسینین خبرینه گؤره، ساوونما باخانی تاکیشی ایوایا، دونن پاسیفیک اقیانوسو اوزرینده تعلیم اوچوشو سیراسیندا ایتن ژاپن اؤز ساوونما گوجلرینه عاید اف۳۵-آ تیپی ساواش اوچاغینین پاسیفیک اقیانوسونا دوشدوگونون معین ائدیلدیگینی بیلدیردی.
اوچاغین قویروغونون، اؤلکهنین قوزئی دوغو ساحللرینده تاپیلدیغیین بیلدیرن ایوایا، اوچاغین ایتکین پیلوتونو آراما ایشلرینین اؤز ساوونما گوجلری، ژاپن ساحل گوونلیک قروپلاری و آمریکا گوجلری طرفیندن داوام ائتدیریلدیگینی ایفاده ائتدی.
ژاپن اؤز ساوونما حربی هاوا گوجلریندن دونن وئریلن آچیقلامادا، اؤلکهنین قوزئیینده میساوا هاوا مرکزینده اولان اف-۳۵آ قیریجیسینین، قوزئی پاسیفیک اقیانوسو اوزرینده تعلیم اوچوشو سیراسیندا ایتکین دوشدویو بیلدیریلمیشدی.
اوچاق ایله رادار باغلانتیسینین یئرلی ساعاتلا ۱۹.۲۷ده، امرکزین ۱۳۵ کیلومتر دوغوسوندا اقیانوس اوزرینده اوچارکن کسیلدیگی ایفاده ائدیلن آچیقلامادا، اوچاق و پیلوتو آختارما ایشلرینین داوام ائتدیگی قید ائدیلمیشدی.
بو آرادا، ساوونما باخانی تاکیشی ایوایا، هاوا مرکزینده اولاندیگر اف-۳۵آ ساواش اوچاقلارینین اوچوشلارینین تدبیر مقصدلی دوردورولدوغونو آچیقلامیشدی.
ایلگیلیلی خبرلر
اندونزیا-دا داشقینلار 41 نفرین اؤلومونه سبب اولوب
اندونزیانین باتی سیندا لئیسان یاغیشلارین سبب اولدوغو داشقینلار 41 نفرین اؤلومونه سبب اولوب.
گزینتییه گئدن ۵ اوشاق بوغولاراق حیاتینی ایتیردی
الجزیرده، اوخول گزینتیسی سیراسیندا بیر ساحلده دنیزه گیرهن ۵ اوشاق بوغولاراق حیاتینی ایتیردی