آمریکا گمی‌سینی بومبالایان البدوی اؤلدورولدو
آمریکا طرفین‌دن باشینا ۵ میلیون دلار اؤدول قویولان بدوی، ۲۰۰۳.جو ایلده یمنده توتوقلانمیش انجاق قیسا بیر مدت سونرا قاچمیشدی
آمریکا بیرلشمیش دؤولتلری مرکزی قوه‌لر قوموتان‌لیغی (سنتکوم)، ۲۰۰۰ ایلینده ۱۷ آمریکا عسگرینین اؤلدویو آمریکانین "یواس‌اس کول" ساواش گمیسینه بومبالی سالدیرینی پلانلایان القاعده عضوو جمال البدوینین یمنده اؤلدورولدویونو آچیقلادی.
سنتکوم سؤزچوسو آلبای بیل اوربان وئردیگی آچیقلامادا، "جمال البدوینین اؤلدورولدویو بیلگی‌سین‌دن خبریمیز وار. آمریکا گوجلری ژانویه‌نین ۱ینده یمنین مارب ویلایتین‌ده یواس‌اس کول بومبالی سالدیریسینا آدی قاریشان القاعده چته باشی‌لارین‌دان جمال البدوینین هدف آلیندیغی کنترل‌لو بیر سالدیری تشکیل ائتدی" ایفاده‌سینی ایشلتدی.
آلبای اوربان، سالدیرینین دقیق نتیجه‌لرینه دایر چالیشمالارین داوام ائتدیگینی بیلدیریرکن، آمریکا مئدیاسینا دانیشان بعضی استخبارات قایناقلاری دا بدوینین تک باشینا آراجییلا حرکت حالین‌دا ایکن وورولدوغونو بیلدیردی.
بدوی، ۱۲ اکتبر ۲۰۰۰ تاریخین‌ده آمریکا دونانماسینا عاید "یواس‌اس کول" ساواش گمیسینه بومبالی سالدیری‌دا رولو سببیله آمریکا طرفین‌دن آختاریلیردی.
ساواش گمیسینه سالدیری‌دا ۱۷ آمریکا عسگری حیاتینی ایتیرمیشدی.
آمریکا طرفین‌دن باشینا ۵ میلیون دلار اؤدول قویولان بدوی، ۲۰۰۳.جو ایلده یمنده توتوقلانمیش انجاق قیسا بیر مدت سونرا قاچمیشدی.
داها سونرا ۲۰۰۴ده تکرار توتوقلانان بدوی، ۲۰۰۶.جی ایلده یئنه قاچمیشدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
