تایوان‌دان چینه "تک اؤلکه، ایکی سیستم" جوابی
"تایوان خالقینین اکثریتی پکن طرفین‌دن حاضرلانان بو یاناشیما جدی شکیل‌ده قارشی چیخیر"
تایوان لیدئری تسای اینگ-ون، چینین "تک اؤلکه - ایکی سیستم" فورمولونو هئچ واخت قبول ائتمه‌یه‌جکلرینی بیلدیردی.
فوکوس تایوانین خبرینه گؤره، تسای، باشکند تایپه‌ده دانیشماسین‌دا، چین دؤولت باشقانی شی جین‌پینگین تایوانا قارشی "بیرلشمه" چاغریسینا تپکی گؤستردی.
تسای،
"تایوان تک اؤلکه، ایکی سیستم فورمولونو هئچ واخت قبول ائتمه‌یه‌جک. تایوان خالقینین اکثریتی پکن طرفین‌دن حاضرلانان بو یاناشیما جدی شکیل‌ده قارشی چیخیر" دئدی.
ایکی طرفین "تک چین" قونوسوندا فیکیر بیرلیینه گلدیگی ۱۹۹۲ کونسنسوسونو(اویداشما/اجماع) دا اصلا قبول ائتمه‌دیکلرینی بیلدیرن تایوان لیدئری تسای،
"بو مسئله‌ده اساس سبب کونسنسوسداکی تک چین پرینسیپینین پکن حکومتی طرفین‌دن تک اؤلکه، ایکی سیستم آنلاییشینا گؤره فورموله ائدیلمیش اولماسی‌دیر" ایفاده‌سینی ایشلتدی.
چین دؤولت باشقانی شی جین پینگ، تایوان ایله یئنی‌دن بیرلشمه‌نین "هئچ بیر گوج و هئچ کیم طرفین‌دن هئچ واخت انگلله‌نمه‌یه‌جک تاریخی بیر تمایل" اولدوغونو وورغولایاراق، یئنی‌دن بیرلشمه چاغریسی ائتمیشدی.
یئنی‌دن بیرلشمه باش وئردیک‌دن سونرا چینین اگمن‌لیگی آلتین‌دا تایوانین حیات طرزی، سوسیال سیستمی، اؤزل مولکلری، دینی اینانجلاری، قانونی حاقلاری، تایوانین چیخارلارینا تامامیله حؤرمت ائدیله‌جیینی ایفاده ائد‌ن شی، "هامیمیز عینی عایله‌ییک" سؤزلری ایله تایوانین چینین ایچ ایشی اولدوغونو ادعا ائتمیشدی.
چین لیدئری شی، "چینلی‌نین چینلی ایله دالاشمایاجاغینی" آنجاق گوج ایستیفاده ائتمه‌گی بیر کنارا قویما سؤزونو وئرمه‌یه‌جکلرینی، بوتون لازیم اولان تدبیرلری آلما سئچیمینین قوروناجاغینی بیلدیرمیشدی.
تایوان لیدئری تسای اینگ-ون چرشنبه گونو پکن حکومتینه تایوانین وارلیغینا و تایوان خالقینین "آزاد و دموکراتیک" بیر سیستم‌ده یاشاماق ترجیحینه حؤرمت ائتمه‌سی چاغریسی ائتمیشدی.
ایلگیلی‌لی خبرلر
یول قیراغیندا ۱۰ نفرین جسدی تاپیلدی
مکزیده آکاپولکو شهرینده‌کی املیانو زاپاتا محله‌سینده، چوخ ساییدا جسد تاپیلدیغی بیلدیریلدی
