ایکی اؤلکه‌نی بیرلشمه‌یه چاغیردی
شی جین پینگ: تک اؤلکه ایکی سیستم قانونونون یئنی‌دن بیرلشمه اوچون ان یاخشی یاناشیم
چین دؤولت باشقانی شی جین پینگ، تایوان ایله یئنی‌دن بیرلشمه‌نین "هئچ بیر گوج و هئچ کیمسه طرفین‌دن اصلا انگلله‌نه‌مه‌یه‌جک تاریخی بیر اگیلیم" اولدوغونو ایفاده ائد‌رک، یئنی‌دن بیرلشمه چاغریسی ائتدی. شی، باشکند پکن‌ده‌کی تیان‌آنمن میدانین‌دا اولان بؤیوک خالق سالونون‌دا چین میلی خالق کنگره‌سی دائمی کمیته‌سی طرفین‌دن ایلکی ۱۹۷۹.جو ایلده ائدیلن و تایوان ایله چینین باریش بیرلشمه‌سینی مدافعه ائد‌ن "تایوان‌داکی یولداشلارا مئساژ" فعالیتینین ۴۰.جی ایل دؤنومون‌ده دانیشدی.
شی، ایکی بوغازین بیرلشمه‌سینین "هئچ بیر گوج و هئچ کیمسه طرفین‌دن اصلا انگلله‌نه‌مه‌یه‌جک تاریخی بیر تمایل" اولدوغونو، ایکی یاخاداکی بوتون یولداشلارین "هئچ بیر گوج و هئچ کیمسه طرفین‌دن اصلا دییشدیریله‌بیلمه‌یه‌جک طبیعی قوهوم‌لوغو و اولوسال کیملیگی" پایلاشدیغینی قید ائد‌رک، باریشچیل بیرلشمه و تک اؤلکه ایکی سیستم قانونونون یئنی‌دن بیرلشمه اوچون ان یاخشی یاناشیم اولدوغونو سؤیله‌دی.
یئنی‌دن بیرلشمه باش وئردیک‌دن سونرا چینین اگمن‌لیگی آلتین‌دا تایوانین حیات طرزی، اجتماعی سیستمی، اؤزل مولکلری، دینی اینانجلاری، قانونی حاقلاری، تایوانین چیخارلارینا تامامیله سایفی دویولاجاعینی ایفاده ائد‌ن شی، "هامیمیز عینی عایله‌ییک" دئیه دانیشدی.
تایوانین چینین ایچ ایشلری اولدوغونو مدافعه ائد‌ن شی، مشاوره و موذاکیره‌لرین ده ایکی طرف آراسین‌دا آپاریلماسی لازیم اولدوغونو وورغولادی.
شی، باریشچیل یئنی‌دن بیرلشمه اوچون گئنیش بیر ساحه اولوشدورماغی آرزو ائتدیکلرینی آنجاق آیریلیقچی ائتکینلیکلرین هئچ بیر شکلینه یئر بوراخمایاجاقلارینی بیلدیررک "تایوان‌داکی هر کس تایوانین مستقیللیگینین یالنیز درین بیر فلاکت گتیرجگینی آچیقجا آنلامالی" اویاریسی ائتدی.
شی آیریجا تایوان ایله یئنی‌دن بیرلشمه‌نین هئچ بیر اؤلکه‌نین آداداکی مشروع و اقتصادی چیخارلارینا ضرر وئرمه‌یه‌جگینی سؤزلرینه علاوه ائتدی.
تایوان لیدئری تسای اینگ ون دونن پکن حکومتینه تایوانین وارلیغینا و تایوان خالقینین "اؤزگور و دموکراتیک" بیر سیستم‌ده یاشاما ترجیحینه سایغی گؤسترمه‌سی چاغریسی ائتمیشدی.
