آمریکا محکمه‌سین‌دن قوزئی کوره‌یه تضمینات
آمریکا فدرال محکمه، قوزئی کوره حاکمیتینی آمریکا‌لی اؤیرنجی اوتتو وارمبیر ایشگنجه ائدیلدیگی و بو سببله ده 501 میلیون دو‌لار تضمیناتا محکوم ائدیب
آمریکا فدرال محکمه، قوزئی کوره حاکمیتینی آمریکا‌لی اؤیرنجی اوتتو وارمبیر ایشگنجه ائدیلدیگی و بو سببله ده 501 میلیون دو‌لار تضمیناتا محکوم ائدیب.
قوزئی کوره‌ده بیر ایل حبسده قالیب آزاد بیراخیلدیقدان قیسا مدت سونرا اؤلن وارمبیرین عائله‌سی‌نین پیونگیانگ رهبرلیگینه آچدیغی 1 میلیارد دو‌لارلیق تضمینات دعواسی ایله نتیجه‌لندی.
واشینگتون فدرال بؤلگه محکمه‌سی باش یارغیجی بریل آ. هاول، ایشگنجه ائدیلن اوتتو وارمبیرین گیرو آلینماسی و قانون‌سوزجا اؤلدورولمه‌سی اساس‌لاری قوزئی کوره گوناهکار گؤردور. محکمه، پیونگیانگ رهبرلیگی‌نین وارمبیرین عائله‌سینه 501 میلیون دو‌لار تضمینات اؤدمه‌سینه حؤکم ائتدی.
قرارین سمبولیک اولدوغو بیلدیریلرکن، ایکی اؤلکه آراسیندا، قوزئی کوره رژیمی‌نین بو تضمیناتی اؤدمه‌سینی مجبوری قیلاجاق و یا ایکی اؤلکه‌نین داخیل اولدوغو بین الخالق آنلاشما اولمور.
وارمبیر، 2016-جی ایلده سیاحت مقصدلی اولدوغو اؤلکه‌ده قالدیغی اوتل‌دکی بیر تبلیغات پلاکاتینی چالماق گوناهلاندیرماسی 15 ایل حبس و آغیر ایش جزاسینا محکوم ائدیلمیشدی.
آمریکا‌لی اؤیرنجی، تخمینن بیر ایل حبسده ساخلانیلدیق‌دان سونرا 2017-جی ایلین وئن آییندا ساغلیق وضعیتی پیسه گئتدیگی سببله ده اؤلکه‌سینه اعاده ائدیلمیشدی. وارمبیر، آمریکایا آیاق باسدیق‌دان یالنیز 6 گون سونرا قالدیریلدیغی خسته‌خانادا اؤلموشدو.
دوکتور‌لار گؤردوک‌لری ایلک معایعنه سونراسیندا وارمبیرین نورولوژی باخیم‌دان حرکتسیز اویانیقلق حالیندا اولدوغونو بیلدیرمیشدی. عائله‌سی، وارمبیر اوتوپسی اویغولانماسینا ایجازه وئرممیشدی.
قوزئی کوره رهبرلیگی ایسه اوتتو وارمبیر ایشگنجه تطبیق اولوندوغو ادعا‌لارینی رد ائتمیش، آمریکا‌لی اؤیرنجی‌نین ساغلیق وضعیتی‌نین حبس‌خانادا یاشادیغی قیدا زهرلنمه‌سی سببین‌دن پوزولدوغونو ایره‌لی سورموشدو.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
