ایسپانیا-دا مینیموم امک حاقی 22% آرتیرالاجاق
ایسپانیانین باش ناظیری پدرو سانچز مینیموم امک حاقینین 22% آرتیرالاراق 900 آورویا چیخاریلاجاغینی بیلدیردی.
ایسپانیانین باش ناظیری پدرو سانچز مینیموم امک حاقینین 22% آرتیرالاراق 900 آورویا چیخاریلاجاغینی بیلدیردی.
ایسپانیانین باش ناظیری پدرو سانچز پارلامئنتده کئچیریلن "موخالیفتین سواللاری" ایجلاسیندا مینیموم امک حاقینا 1977-جی ایلدن بو یانا ان یوکسک آرتیمین اولاجاغینی بیلدیردی.
ناظیرلر کابینه سینین دسامبرین 21-ده بارسلونا شهرینده توپلاناجاغینی قئید ائدن سانچز مینیموم امک حاقینین 900 یورویا چیخاریلماسینی نظرده توتان قرارین بورادا قبول اولوناجاغینی آچیقلادی.
باش ناظیر: " زنگین بیر اؤلکهنین کاسیب ایشچیلری اولا بیلمز" دئدی.
ایسپانیادا 2008-2016-جی ایللر آراسیندا مینیموم معاش چوخ آز آرتیریلمیشدی. بو 8 ایللیک موتده مینیموم امک حاقی 600 یورودان 655 یورویا چیخاریلمیشدی.
اؤلکهده مینیموم امک حاقی 2017-جی ایلده 707 یورو، 2018-جی ایلده ایسه ده 735 یورو اولاراق معین ائدیلمیشدی.
ایسپانیادا ژوئن آییندان بو یانا آزلیق حکومتی اولاراق حاکمیتده اولان سوسیالیست ایشچی پارتی سینه (PSOE) کناردان دستک وئرن سیستم علیهینه سول گؤروشلو "Podemos " پارتیسی مینیموم امک حاقینین آرتیریلماسی شرطینی قویموشدو.
PSOE لیدری و باش ناظیر سانچز ایله "Podemos" لیدئری Pablo İglesias اکتبر آییندا کئچیردیکلری ایجلاسدا مینیموم امک حاقینی 900 آورویا چیخارماق بارهسینده قرار قبول ائتدیکلرینی آچیقلامیشدیلار.
مینیموم امک حاقی آرتیمینین باشدا گنجلر و قادینلار اولماقلا، 1،6 اینسانین بودجهسینه مثبت تأثیر ائتمهسی گؤزلنیلیر.
قئید ائدک کی، فرانسادا پرزیدنت امانوئل ماکرون اؤلکهده خاوسا سبب اولان "ساری جیلیقالیلار"ین آکسیالاریندان سونرا موجود وضعیتده 1498 یورو اولان مینیموم امک حاقینی ژانویه آییندان اعتباراً 100 یورو آرتیریلماسی بارهده قرار قبول ائدیب.