ماجاریستان اوکراینا آراسیندا بحران

ماجاریستانین خاریجی ایشلر و خاریجی تیجارت ناظیری پیتر سییارتو "اوکراینانین قرارینا بالانس‌لی جاواب اولا‌راق ماجاریستان دا بیر اوکراینا کونسولونو اؤلکه‌دن چیخاریر" دئییب.

ناظیر صلاحیت لریندن پیس نیتله ایستیفاده ائتدیگی سببیندن بیر ماجار کونسولونو "آرزو اولونماز شخص" اعلان ائدن اوکراینایا بو اؤلکه‌نین بوداپست-ده کی سفیرلیگینده وظیفه‌لی بیر کونسولو اؤلکه‌دن چیخارا‌راق جاواب وئره‌جک‌لرینی سؤیله‌ییب.

سییارتو تشکیل ائتدیگی مطبوعات کنفرانسیندا همین مسئله‌یه توخونا‌راق دئییب کی، اؤلکم بوتون قونشولاری ایله یاخشی علاقه‌لر قورماغا جهد گؤستریر و اوکراینا طرفین‌دن "آرزو اولونماز شخص" اعلان ائدیلن ماجار دیپلومات غیری-قانونی بیر ایش گؤرمه‌ییب. اوکراینانین بوداپست سفیری ناظرلیگه چاغریلدی و کونسولون 72 ساعت عرضینده اؤلکه‌نی ترک ائتمه‌سینه دایر قرار سفیره چاتدیریلدی.

سییارتو همچنین، اؤلکه‌سی‌نین اوکراینادا یاشایان ماجار آزلیغین حقوق‌لارینی قوروماقدا داوام ائدجگینی سؤیله‌ییب.