زیمبابوهلیلر، 38 ایل سونرا صاباح صاندیق باشینا گئدهجک
زیمبابوهلیلر، 38 ایل سونرا کئچمیش دولت باشقانی روبرت موگابه اولمادان پرزیدنتلیک و پارلامنت سئچیملری اوچون صاباح صاندیق باشینا گئدهجک
زیمبابوهلیلر، 38 ایل سونرا کئچمیش دولت باشقانی رابرت موگابه اولمادان پرزیدنتلیک و پارلامنت سئچیملری اوچون صاباح صاندیق باشینا گئدهجک.
باشقانلیق اوچون 22 نامیزدین قاتیلدیغی سئچیملرده، اقتدار پارتیسی زیمبابوه آفریقا میللی بیرلیغی-یوردسئور جبهه (Zanu-PF) آدینا موجود دولت باشقانی امرسون منانگاگوا یاریشاجاق.
نامیزدلردن 4ونون قادین اولاجاغی سئچیمده، منانگاگوا-نین قارشینا چیخاجاق ان بؤیوک رقیب ایسه موخالیفت 7 پارتینین بیر آرایا گلمهسی ایله یارادیلان دموکراتیک دییشیکلیک حرکتی (MDC) بیرلیگینین لیدری نلسون چامیسا اولاجاق.
سئچیمده قارشییا چیخان دیگر اهمیتلی آد ایسه 2004-2014-جی ایللرده دولت باشقانی معاوینی ائدن قادین نامیزد جویس موژورو.
زیمبابوهلی، 38 ایل سونرا ایلک دفعه کئچمیش دولت باشقانی روبرت موگابه نین گؤروشمه دیگی بیر رای کاغیذی ایله قارشیلاشاجاق.
اینگیلیس موستملکچیلره قارشی وئریلن آزادلیق ساواشیندا پارتیزان فعالیتینه گؤره "تیمساح" لقبی ایله تانینان و قدیمدن موگابه یه ان یاخین آدلاردان بیری اولان منانگاگوا، بو سئچیمده اصلاحات وعده لری اؤنه چیخدی.
اوردونون موداخیلهسی ایش باشینا گلن منانگاگوا، اؤلکهسینی دونیایا آچماق وعدینی وئرمکله بیرلیکده سئچیم کامپانیاسیندا میللی بیرلیگین تامین اولونماسی و اؤلکهدکی یاسا دیشی و روشوتین آزالدیلماسی کیمی مسئلهلره اوستونلوک وئردی.
دموکراتیک دییشیکلیک حرکتی نین کئچمیش لیدری اولان و فوریه آییندا اؤلن موخالیف مورقان تسوانگیرای یه یاخین آدلاردان 40 یاشلی وکیل چامیسا ایسه اؤلکهده 2009-2013-جی ایللرده اینفورماسیون ناظیری کیمی فعالیت گؤستریب.
قدیمدن موگابه نی دستکلهین بیر پارتینین ده حاضیردا دستگینی آرخاسینا آلان چامیسا، قالخینما و آلت یاپی، آنایاسال حاقلار و ساغلیق مسئلهلرینی کامپانیاسیندا تئز-تئز ایشلهدی.
اگر دولت باشقانی نامیزدلردن بیری ایلک توردا سسلرین اکثریتینی آلامازسا، ان چوخ سس آلان ایکی نامیزد ایکینجی توردا یئنیدن قارشی-قارشییا گلهجک.
بوندان باشقا، ایکی قاناتلی پارلامنته مالیک اولان اؤلکهده، سناتونون 80، میللی مجلیسین 270 یئنی عضوو ده بللی اولاجاق.
تخمینن 5.6 میلیون قئیدیاتلی سئچیجینین اولدوغو اؤلکهده سئچیم نتیجهلرینین بیر هفته ایچریسینده اعلان ائدیلمهسی گؤزلنیلیر.
کئچمیش دولت باشقانی موگابه، زیمبابوه نین دولت موستقیللیگینی قازانماسی سونرا 1980-جی ایلده کئچیریلن پارلامنت سئچیملرینده باش ناظیر مقامینا اوتوروب، سونرا کئچیریلن بوتون پرزیدنتلیک سئچیملرینی ده قازانمیشدی.
ایلگیلیلی خبرلر
مسجیدده پاتلاما: ۱۱ نفر حیاتینی ایتیردی
نیجریهنین کانو ایالتینده بیر مسجیدده میدانا گلن پاتلامادا ۱۱ نفر حیاتینی ایتیردی