قوزئی کوره: خالق کمر سیخمایا حاضیر اولما‌لی
سینمون قزئتینده چیخان یازیدا، وطنداش‌لارا 1990لاردا روسیا و شرقی آوروپادا سوسیالیزمین ییخیلماسی‌نین آردین‌دان قوزئی کوره ده قیتلیق و یوخسوللوغون یاشاندیغی "آردووس مارس" دؤورو خاطیرلادیلیب
یونهاپین خبرینه گؤره، حاکمیت‌دکی کوره ایشچی پارتیسی‌نین رسمی یایین اورقانی رودونگ سینمون قزئتینده چیخان یازیدا، وطنداش‌لارا 1990لاردا روسیا و شرقی آوروپادا سوسیالیزمین ییخیلماسی‌نین آردین‌دان قوزئی کوره ده قیتلیق و یوخسوللوغون یاشاندیغی "آردووس مارس" دؤورو خاطیرلادیلیب.
یازیدا، "قار قاسیرغا‌لاریندا کمرلریمیزی سیخا‌راق اوزون بیر یول آلماق مجبور اولساق دا، 70 ایللیک موباریزه پروسه سینده و سوسیالیزم یولوندا اؤلوم‌سوزلوگو ثبوت ائدن خالقین یولون‌دان آیریلمایاجاغیق." ایفاده‌سی ایستیفاده ائدیلدی.
کمر سیخما چاغیریشی‌نین، قوزئی کوره ایله آمریکا آراسیندا نوکلئر سیلاحسیزلانما گؤروشمه‌لری ایله باغلی ناراحات‌لیق‌لارین آرتدیغی بیر دؤورده یاییملانماسی دقتی چکدی.
آمریکا پرزیدنتی دونالد ترامپ، تاریخی بیر قرارلا قوزئی کوره لیدری کیم جونگ ایله ژوئن ین 12-ده سینگاپوردا گؤروشموشدو. ایکی لیدر، کوره یاریماداسی‌نین نوکلئر سیلاح‌لاردان تمیزلنیلمه‌سی اوچون آمریکا ایله قوزئی کوره آراسیندا دیپلوماتیک دانیشیق‌لارین داوام ائتمه‌سی باره‌ده آنلاشما ایمضالامیشدی.
