فرانسا الیزا-نی، تیجاری مارکا اولاراق لیستهسینه آلاراق تسجیللهدی
موضوع ایله باغلی مطبوعاتدا یئر آلان خبرلرین اوزرینه سوسیال مئدیادا "ماکرون کلیدلیق ساتیب سارایی تعمیر ائتدیرهجک" شکلینده مساژلار پایلاشیلیب
فرانسا پرزیدنتلیک سارایی الیزا-نی، تیجاری مارکا اولاراق لیستهسینه آلاراق تسجیللهدی.
فرانسادا هفتهلیک کانار آنشینه قزئتینده یئر آلان خبره گؤره، " Elysee-Presidence de la Republique " تیجاری مارکا اولاراق تسجیل ائدیلیب.
خبرده، بیر مدتدیر سارایی زیارت ائدن شخصلرین اوزرینده فرانسا پرزیدنتلیک لوقوسو اولان قلم، چاقماق، ایستکان کیمی اشیالاری ساتین آلابیلدیغی، "3 ژوئنده اعلان ائدیلن مناقصه ایله الیزا سارایی و فرانسا پرزیدنت مارکالی محصوللارین داها گئنیش بیر دایرهیه چاتدیریلماسی مقصدی گوددوگو" بیلدیریلدی.
آلینان تیجاری مارکا لیسانسینین قیسا مدتده کئچیریلهجک ایستراتژی چالیشماسی و آراشدیرمالار سونراسی هم میللی، هم ده اولوسلار آراسی بازارا خیطاب ائدهجک حالا گتیریلمهسینین پلانلاشدیریلدیغی ایفاده ائدیلن خبرده، ایلک اولاراق اینترنت اوزریندن ساتیشا باشلانماسینین گوددوگو بیلدیریلیب.
موضوع ایله باغلی مطبوعاتدا یئر آلان خبرلرین اوزرینه سوسیال مئدیادا "ماکرون کلیدلیق ساتیب سارایی تعمیر ائتدیرهجک" شکلینده مساژلار پایلاشیلیب.
بعضی ایستیفادچیلر، تعمیر خرجلرینی اؤدمک اوچون کامپانیا باشلاماق تکلیف ائدرکن، بیر ایستیفادچی ده "فرانسانین ایقتیصادی وضعیتینین گومان ائدیلندن داها پیس اولدوغو" آچیقلاماسینی ائتدی.
1718-1722-جی ایللر آراسیندا تیلیلن الیزا سارایینین سون دؤورده چوخ سایدا بؤلومونون چورومهیه باشلادیغی، تعمیر و باخیما ایحتیاجی اولدوغو بیلدیریلیر.