ایتالیادا سیاسی غیری-ثابت‌لیک داوام ائدیر
ایتالیادا مارسین 4-ده کئچیریلن و هئچ بیر پارتی، و یا اتفاقین حکومت قورماغا یئته‌جک اکثریته نایل اولمادیغی سئچکی‌لردن سونرا باشلایان سیاسی غیری-ثابت‌لیک داوام ائدیر.
ایتالیادا مارسین 4-ده کئچیریلن و هئچ بیر پارتی، و یا اتفاقین حکومت قورماغا یئته‌جک اکثریته نایل اولمادیغی سئچکی‌لردن سونرا باشلایان سیاسی غیری-ثابت‌لیک داوام ائدیر.
ایتالیانین آنسا خبر آژانسی‌نین یایدیغی معلوماتا گؤره، حکومتین بؤیوک اورتاغی و سئچکی‌لردن اوچونجو چیخان دموکرات پارتیسی‌نین موقتی لیدری ماوریزو مارتینا پارتیسی‌نین مرکز ساغ اتفاقی و یا حدین‌دن آرتیق ساغچی لیگ پارتیسی رهبرلیگیندکی بیر حکومتی دستکلمه‌سی‌نین مومکون اولمادیغینی بیلدیریب، سئچکی‌لردن 2 آی کئچمه‌سینه باخمایا‌راق، حکومتین قورولا بیلینمدیگی ایتالیانین ارکن سئچک‌لری ریسکی ایله اوز-اوزه اولدوغونو قئید ائدیب.
دیگر طرف‌دن ایتالیا پرئزیدئنتی سرجیو ماتارلا آوریل آیی‌نین ایلک ایکی هفته‌سینده حکومتی قورما صلاحیتینی وئرجگی طرفی معین ائتمک اوچون پارلامنت‌دکی سیاسی پارتی لر ایله بیرینجی و ایکینجی تور دانیشیق‌لار آپارمیشدی. لاکین دانیشیق‌لارین بیر نتیجه‌سی اولمامیشدی.
پرزیدنت ماتارلا اؤتن هفته ده سیستم علیهینه سول گؤروش‌لو 5 اولدوز حرکاتی ایله سول فیکیرلی دموکرات پارتیسی آراسیندا حکومت قورماق احتیمالی‌نین اولوب- اولمادیغینی معین ائدیلمه‌سینی نماینده‌لر مجلیسی‌نین رهبری روبرتو فیکویا تاپشیرمیشدی. فیکو طرف‌لر آراسیندا دیالوقون باشلادیغینی و سون نتیجه‌نین دموکرات پارتیسی ایداره هئیتی‌نین توپلانتی‌سین‌دان سونرا بللی اولاجاغینی بیلدیرمیشدی.
ایتالیا جمهور باشقانلیغیندان وئریلن یازیلی آچیقلامادا پرزیدنت سرجیو ماتارلانین 7 مای، بازار ارته‌سی گونو حکومتین قورولماسینا دایر دانیشیق‌لارا داوام ائدجگی بیلدیریلیر. پرزیدنتین هم سیاسی طرف‌لرله، هم ده جمهوریت سناتو و نماینده‌لر مجلیسی‌نین صدرلری ایله عینی گونده گؤروشه‌جگی قئید ائدیلیر.
