ناتو باش کاتیبی: دوغو غوطهدکی شیمیایی سیلاح سالدیریسینی گوجلو بیر شکیلده قیناییریق
استولتنبرگ، "بوتون وظیفهلیلر حساب وئرمهلیدیر" - دئیهرک دوماداکی سالدیرینین اسد رژیمی و هاوادارلاری اولان ایران و روسیانین فعال اولدوغو بیر بؤلگهده باش وئردیگینی و رژیمین داها اوّل ده شیمیایی سیلاح ایستیفاده ائتدیگینی سؤیلهدی
ناتو باش کاتیبی ینس استولتنبرگ، "دوغو غوطهدکی شیمیایی سیلاح سالدیریسینی گوجلو بیر شکیلده قیناییریق" دئدی.
اسلوواکی باش ناظیری پتر پلگرینی ایله مطبوعات کونفرانسی کئچیرن استولتنبرگ، "بوتون وظیفهلیلر حساب وئرمهلیدیر" - دئیهرک دوماداکی سالدیرینین اسد رژیمی و هاوادارلاری اولان ایران و روسیانین فعال اولدوغو بیر بؤلگهده باش وئردیگینی و رژیمین داها اوّل ده شیمیایی سیلاح ایستیفاده ائتدیگینی سؤیلهدی.
استولتنبرگ، "سوریه رژیمی و هاوادارلاری اولان روسیا و ایرانا بؤلگهده بین الخالق نظارت و ساغلیق ایشچیلرینه تام و مانعهسیز چیخیش ائتمک دعوت ائدیریک" دئیه دانیشدی.
باش کاتیب، ناتو موتتفیقلرینین سالدیرییا نئجه قارشیلیق وئریلمهسینه دایر دانیشمالار آپاردیغینی بیلدیریب.
اسد رژیمینین، دوغو غوطهده موخالیفلرین نظارتیندکی سون نقطه اولان دوما شهرینده سیویل یاشاییشلارا 7 آوریلده کئچیردیگی شیمیایی سیلاح سالدیریسیندا 80 سیویل وطنداش اؤلدو.
سوریه اینسان حاقلاری آغی، 4 آوریلده درج ائتدیگی راپوردا، اسد رژیمینین سوریهده ایچ ساواشینین باشلاماسیندان بو یانا 214، خان شیخین قتل عامیندان سونرا دا 11 دفعه شیمیایی سیلاح سالدیریسی ائتدیگینی بیلدیرمیشدی.
ایلگیلیلی خبرلر
روسیهده ایکی تراموای توققوشوب
کمرووا شهرینده باش وئرن تراموای قضاسیندا 7-سی اوشاق اولماقلا 109 نفرین یارالاندیغینی آچیقلانیب