آمریکا و کانادا، قوزئی کوره بحرانینی گؤروشمک اوچون ایجلاس کئچیره‌جک
اوتاوادا بیر آرایا گلن آمریکا دولت کاتیبی رکس تیلرسون و کانادا‌لی همکاری کریستیا فریلند، تشکیل ائتدیک‌لری بیرگه مطبوعات کونفرانسیندا ژاپون و گونئی کوره‌دن ده نماینده‌لرین اولاجاغی بیر قوزئی کوره ایجلاسی تشکیل ائده‌جک‌لرینی آچیقلاییب
آمریکا و کانادا، قوزئی کوره بحرانینی گؤروشمک اوچون 16 ژانویه‌ده ونکوور-ده بیر ایجلاس کئچیره‌جک.
ایجلاسا تورکیه ده ایشتیراک ائدیر.
کانادانین باشکندی اوتاوادا بیر آرایا گلن آمریکا دولت کاتیبی رکس تیلرسون و کانادا‌لی همکاری کریستیا فریلند، تشکیل ائتدیک‌لری بیرگه مطبوعات کونفرانسیندا ژاپون و گونئی کوره‌دن ده نماینده‌لرین اولاجاغی بیر قوزئی کوره ایجلاسی تشکیل ائده‌جک‌لرینی آچیقلاییب.
کانادا خاریجی ایشلر ناظیری فریلند،
بیز بحرانا دیپلوماتیک حلّین ضروری و مومکون اولدوغونا اینانیریق" دئدی.
فریلند، کانادا و آمریکانین دا دونیانین گئری قالانییلا عینی فیکیرده اولدوغونو بیلدیریب،
"قوزئی کوره تهلوکه‌سینه قارشی منطقه و بین الخالق تلاش‌لارا و و بیرلشمیش میللت‌لر امنیت شوراسی‌نین ایشینه تام دستک وئریریک" شکلینده دانیشدی.
تیلرسون 16 ژانویه‌ده کئچیریله‌جک ایجلاسین قوزئی کوره نوکلئر پورقرامینی موذاکیره ائتمک مقصدیله ماسایا گتیرمک اوچون اوزرین‌دکی تضییقی آرتیرماغی هدف سئچدیگینی سؤیله‌دی.
تیلرسون بونون دانیشیق‌لارا حاضیرلیق معناسیندا " قوزئی کوره رژیمی اوزرینده علاوه تضییق یارادا‌جاق باشقا آددیم‌لار" دا داشییاجاغینی قید ائدیب.
رکس تیلرسون مقصدین قوزئی کوره ایله موذاکیره اولدوغونو وورغولایا‌راق، آغ ائوین دیپلوماتیک دانیشیق‌لاری دستکلدیگینی دئییب.
ونکوور قروپو دا آدی وئریلن ایجلاسدا ایشتیراک ائده‌جک اؤلکه‌لر سیراسیندا تورکیه، اوسترالیا، بلژیک، بؤیوک بریتانیا، کولومبیا، اتیوپی، فرانسا، یونانیستان، لوکزامبورگ، هولند، یئنی زلاند، فیلیپین، گونئی آفریقا و تایلند وار.
واشینگتون ایله پیونگ یانگ آراسین‌داکی گرگین‌لیک سون آیلار یئنیدن قالخماغا باشلامیش، قوزئی کوره بمت قطنامه‌لرینی نظره آلمایا‌راق موکت و نوکلئر بومب اینکیشاف ائتدیرمک ایشینه داوام ائتمیشدی.
